茶檔

Open Now

Now Closed

星期日既早上係香港仔舊大街附近食個靚早餐。叫左呢個歐陸早餐。價值$33有啲咩食呢？我叫左吉列魚柳。本來expect有茄汁焗豆同埋燒番茄同腸仔的，如果唔係邊度叫歐陸早餐呢。不過$33包野飲都唔應該期望有太多花款。黎到係一大片蘑菇炒蛋，一細個牛角包，仲有主角炸魚柳。牛角包係莫名其妙地切開左一半，想問可以夾啲乜落去？個炒蛋點解好似煎蛋咁咁平既？炒蛋（即scrambled egg)唔係應該一團團？唯一正常係魚柳，配Egg Mayo算既脆幾好食。野飲叫左熱鴛鴦。正常茶記質素。