Video
Read full review
2017-12-05
205 views
食完晚飯，想搵個地方hea...但又唔想去連鎖咖啡店咁頹，於是老公提議去飲茶！原來佢所講嘅「飲茶」唔係去茶樓果啲，而係去茶室嘆茶。估唔到尖沙咀鬧市內都有間茶室，令你可以坐低慢慢嘆。好老實，我對品茶認知唔多，但呢度嘅店員解釋得非常詳細，亦會教你沖泡方法，示範完一次之後，就會等你自己試下沖，慢活一下。悠閒地坐低慢慢咁洗茶、盪茶、置茶、高沖、低泡，然後品茶。呷一口茶，調整生活嘅節奏；品茶，應該係一種生活態度。呢度除左可以品茶，仲出售代理嘅「密雲龍」武夷岩茶及鳳凰紅茶，我地揀左二人套餐($228)，有密雲龍大紅袍(雅鮮醇)及花茶（玫瑰或菊花）各一款。「品茶」不但只係在於鑑別茶嘅優劣，亦可以讓你靜心神思，領略飲茶情趣。生活百忙中泡上一壺茶，擇雅靜之處，細味品嘗，達到美的享受。工欲善其事，必先利其器。所以，首先搵下資料，認識一下茶具：茶海：盛裝泡好嘅茶，再分於小杯內。茶壺：泡茶容器，一般以陶壺為主。茶匙／茶針：前頭稍微彎曲稱為茶匙，用來將茶撥入茶壺中，亦用於將泡完茶嘅茶葉清理出來；茶針為針狀，用來疏通有時因茶葉堵塞嘅壺嘴。茶杯：顧名思義，就係飲茶嘅小杯。茶則：盛裝茶葉嘅器具。簡單５個沖茶步驟包括：
原來佢所講嘅「飲茶」唔係去茶樓果啲，而係去茶室嘆茶。
估唔到尖沙咀鬧市內都有間茶室，令你可以坐低慢慢嘆。
好老實，我對品茶認知唔多，但呢度嘅店員解釋得非常詳細，亦會教你沖泡方法，示範完一次之後，就會等你自己試下沖，慢活一下。
悠閒地坐低慢慢咁洗茶、盪茶、置茶、高沖、低泡，然後品茶。呷一口茶，調整生活嘅節奏；品茶，應該係一種生活態度。
呢度除左可以品茶，仲出售代理嘅「密雲龍」武夷岩茶及鳳凰紅茶，我地揀左二人套餐($228)，有密雲龍大紅袍(雅鮮醇)及花茶（玫瑰或菊花）各一款。
「品茶」不但只係在於鑑別茶嘅優劣，亦可以讓你靜心神思，領略飲茶情趣。生活百忙中泡上一壺茶，擇雅靜之處，細味品嘗，達到美的享受。
工欲善其事，必先利其器。所以，首先搵下資料，認識一下茶具：
茶海：盛裝泡好嘅茶，再分於小杯內。
茶壺：泡茶容器，一般以陶壺為主。
茶匙／茶針：前頭稍微彎曲稱為茶匙，用來將茶撥入茶壺中，亦用於將泡完茶嘅茶葉清理出來；茶針為針狀，用來疏通有時因茶葉堵塞嘅壺嘴。
茶杯：顧名思義，就係飲茶嘅小杯。
茶則：盛裝茶葉嘅器具。
簡單５個沖茶步驟包括：
1.溫壺與燙杯
2.置茶
3.溫潤泡
4.沖熱水
5.聞香再品嘗
武夷奇茗大紅袍，毓秀鐘靈品自高。
武夷茶出產密雲龍香氣持久，而雅鮮醇呢個等級嘅味道甘香兼帶少許花香，性質溫和。
所謂七泡有餘香，好嘅茶沖泡七次都仲有果種茶韻。
佐茶供應嘅茶食份量不多，特別係杏仁、核桃、杏脯、同無花果乾等乾果，同茶飲簡直絕配！
至於花茶，我地揀左菊花，菊花有清热解毒，清肝明目嘅功效；即使冇加任何冰糖粒，味道都非常甘甜！
推介呢個茶室比所有愛茶人士！
Post
