Deer Kitchen (荃新天地) (Closed)

今日下晝終於放晴。難得天氣好轉、當然要出街走走啦。去完海之戀DonDon同吉之島、又到咗晚飯時間。喺網上見到位於荃新天地嘅Deer Kitchen，相片見到環境優雅、食物都好靚，於是就過咗去Deer Kitchen喇。喺睇緊餐牌時，旁邊嘅$10生蠔優惠非常之咁吸睛。是日生蠔係法國生蠔，我點咗6隻。生蠔都有半隻手掌大，而且都好鮮味，$10隻確實係抵食。Galaxy Tonic：依杯係一杯Gin Tonic，再加上蝶豆花、令一杯簡單嘅Gin Tonic、染上好靚嘅紫色，好似銀河一樣，同個名好貼切。上菜嘅次序都幾洽當，食完生蠔、就上set dinner既前菜同餐湯。前菜我揀咗巴馬臣火腿芝士脆片、蜜瓜。火腿同芝士脆片嘅咸、芝士脆片嘅香脆口感、再加埋蜜瓜嘅鮮甜，三者嘅味道好配合。作為前菜，我個人認為依個係好好嘅選擇。食完前菜同餐湯，先嚟咗小食：焗明太子蟹肉酥盒。非常之香脆，而且的式小巧，一口一個嘅size，非常方便。入口除咗酥香，明太子同蟹肉嘅味道都好平衡，兩者唔會蓋過對方，依道小食做得相當出色。到咗主菜嘅香燒紐西蘭羊架伴香濃燒汁。因為怕太生，所以要咗7成熟。去到7成熟，切開就唔會有紅粉嫩嫩嫁喇