Video
Read full review
2021-09-07
24 views
今日去咗搵荃灣嘅朋友仔食飯，本身仲未諗到食啲乜，點知落車行去佢屋企途中見到有間好亮麗嘅餐廳喺一排五金舖中間，顯得佢嘅特別，所以就決左今晚食呢間！🤣餐廳嘅內部裝潢唔知點解好有摩洛哥feel😂😂黑白色嘅地板配上雲石枱，連牆壁都係好啱打卡嘅背景板！但係其實餐廳主打嘅菜式係日式料理！🍡鰹魚半敲燒HK$68第一次食半生熟既鰹魚，無諗到咁新鮮，配埋辣辣地既柚子芥末醬汁同埋蒜頭當作前菜好開胃！🍡鰻魚茶漬飯 HK$98呢個餐嘅擺盤都幾靚，由鰻魚及卷蛋包圍住啲白飯，飯嘅上面都有好多飯鬆！鰻魚識落好香口，亦都好嫩！而卷蛋一開始以為質地會似玉子燒，但原來只係普通煎蛋捲😅由於係茶漬飯嘅關係，餐廳則配上茉莉花茶，茉莉花味好香，配埋硬硬地嘅飯，食落都幾清新！🍡塩麹豚肉配醬油蛋黃漬 HK$88一開始見到佢個三個飯團都有少少猶豫會唔會好乾，因為只有細細碟既醬油蛋黃漬可以送口🤭但無諗過呢碟蛋黃漬既味道比較重口味，用飯團沾啲汁食一啲都唔乾！相比之下，豚肉就普通，冇乜驚喜！
餐廳嘅內部裝潢唔知點解好有摩洛哥feel😂😂黑白色嘅地板配上雲石枱，連牆壁都係好啱打卡嘅背景板！但係其實餐廳主打嘅菜式係日式料理！
🍡鰹魚半敲燒HK$68
第一次食半生熟既鰹魚，無諗到咁新鮮，配埋辣辣地既柚子芥末醬汁同埋蒜頭當作前菜好開胃！
🍡鰻魚茶漬飯 HK$98
呢個餐嘅擺盤都幾靚，由鰻魚及卷蛋包圍住啲白飯，飯嘅上面都有好多飯鬆！鰻魚識落好香口，亦都好嫩！而卷蛋一開始以為質地會似玉子燒，但原來只係普通煎蛋捲😅由於係茶漬飯嘅關係，餐廳則配上茉莉花茶，茉莉花味好香，配埋硬硬地嘅飯，食落都幾清新！
🍡塩麹豚肉配醬油蛋黃漬 HK$88
一開始見到佢個三個飯團都有少少猶豫會唔會好乾，因為只有細細碟既醬油蛋黃漬可以送口🤭但無諗過呢碟蛋黃漬既味道比較重口味，用飯團沾啲汁食一啲都唔乾！相比之下，豚肉就普通，冇乜驚喜！
Post
