Video
Read full review
2021-07-29
249 views
話說……好耐都冇食過韓國野 成日都覺得韓國野都係辣既野同埋炸雞為主 覺得唔太岩食 所以加加埋埋應該都有好幾年冇食過韓國菜 咁岩去開荃灣 就係附近搵野食 見咁耐冇食過韓國菜 又未食過呢間韓閣 佢又係荃灣人氣韓國菜 就行過去睇下有冇野岩食啦 朋友都係好耐之前食過一次 一睇餐牌朋友話多咗好多野食 以前冇咁多選擇 睇圖都幾吸引 咁就拎飛等位入去食啦 當時餐廳都坐滿人 不過都好快就可以入座 應該等左五至十分鐘左右 一入到餐廳 餐廳好有韓式feel 播住韓文歌 但餐廳冷氣就唔多夠 坐底左都唔係好覺有冷氣 好熱下 咁我地都係入座前睇左餐牌 都諗好晒食咩 入到去就可以即刻叫我地兩個人叫左六樣野 大部分都係小食 冇叫主菜 驚會太飽 啲小食實左太吸引 好多都想試下鐵板牛柳絲（一人份）係用鐵板上 夠晒熱 係好多炒菜同埋牛柳絲 個醬汁係最好食 食落甜甜地 俾人感覺係食完一啖係有想食第二啖既 牛柳絲好淋 成個搭配係好夾 呢個仲會跟餐送返個牛骨清湯 一上枱已經聞到好香牛味 朋友飲左話好好味海鮮煎餅 餐牌入面既煎餅都有好多款 但海鮮就係人氣 咁就要試下喇 煎餅都幾大份 一份可以分成八件 煎餅熱辣辣 海鮮係有魷魚同埋
我地兩個人叫左六樣野 大部分都係小食 冇叫主菜 驚會太飽 啲小食實左太吸引 好多都想試下
鐵板牛柳絲（一人份）係用鐵板上 夠晒熱 係好多炒菜同埋牛柳絲 個醬汁係最好食 食落甜甜地 俾人感覺係食完一啖係有想食第二啖既 牛柳絲好淋 成個搭配係好夾 呢個仲會跟餐送返個牛骨清湯 一上枱已經聞到好香牛味 朋友飲左話好好味
海鮮煎餅 餐牌入面既煎餅都有好多款 但海鮮就係人氣 咁就要試下喇 煎餅都幾大份 一份可以分成八件 煎餅熱辣辣 海鮮係有魷魚同埋蝦 幾好味 唔會話好油
紫菜肉鬆蛋卷 呢啲蛋卷係韓國必食既野 蛋卷又係有好幾款 我地揀左呢款係新菜式 最中意試新野 蛋卷一份有六件 蛋卷上面擺滿晒紫菜同肉鬆 蛋卷望落層次分明 好清楚睇到一層層 食落蛋係好滑身 滑lulu 好香蛋味 紫菜肉鬆配蛋卷又幾夾
小食叫左三款炸物 將軍澳開新分店所以做梗優惠好抵食 叫左一份黃金帶子同埋一份紫菜粉絲卷 兩樣小食都係每樣各有四舊 黃金帶子就正正常常 但紫菜粉絲卷就覺得麻麻地 佢外層係炸到金黃色好脆身再加埋紫菜係幾好味既 但入面既粉絲就唔太好食 感覺上配粉絲呢個配搭唔係好夾 怪怪地
另外 因為突然想食薯條 就叫左一份香草薯條 仲要係粗薯條 炸到熱辣辣好香脆好好味
整體黎講 除咗有啲熱 其他野都好滿意 食物幾高質 果然係荃灣既人氣韓國菜 價錢合理 好平好抵食 店員既服務態度好好 會主動問我地需唔需要水 值得一試
牛骨清湯
4 views
0 likes
0 comments
鐵板牛柳絲
$68
11 views
0 likes
0 comments
紫菜肉鬆蛋卷
$52
33 views
0 likes
0 comments
海鮮煎餅
$78
12 views
0 likes
0 comments
黃金帶子 紫菜粉絲卷
7 views
0 likes
0 comments
香草薯條
$15
7 views
0 likes
0 comments
Post
