滿屋日本料理 (大鴻輝(荃灣)中心) (Closed)

一行幾人黎到荃灣大鴻輝食放題，花多眼亂最後揀左「滿屋」食餐飽。放題共有4個價錢，我哋4個揀左最貴嘅極緻👏🏻極緻放題有極品大拖羅、加拿大/澳洲海膽、松葉蟹腳、熱食有紅燒汁煮鮑魚、香煎鵝肝等等。非常滿足。刺身試勻晒咁多款，全部都好新鮮鮮甜，大拖羅入口即溶大家爭住食不停落單，海膽完全唔腥，叫幾黎幾多。蟹腳非常大條，有海水天然咸味，同酒店自助餐有得揮甚至更出色。黃金燒扇貝食左幾轉，香濃惹味。西京燒比目魚超正，甜甜地魚油十分豐富。鹽燒大蝦、燒牛舌、燒菠蘿都食左好多。火炙壽司試左幾款，燒蠔燒左口魚都好味。