翠華冰廳 (Closed)

最近天氣好熱，週末去行下商場最好啦！剛在荃灣廣場買完東西，想食個下午茶，就來到翠華冰廳，見到環境幾好，乾淨明亮，座位寬敞，就來試下下午茶套餐，點了餐蛋治和西多士。下午茶餐時間雖然滿座，但送餐都幾快！餐蛋治的炒蛋好滑，仲有蛋汁，餐肉好厚，份量當下午茶剛好，凍檸茶都好飲。西多士上面塊牛油都幾大，糖漿已經淋好，我覺得夠。邊邊脆脆的，香氣十足，等牛油融化，即刻切一塊試下，幾香脆！ 在商場裡的茶餐廳，價錢都合理，值得一試！