Video
Read full review
2021-11-21
1474 views
咖啡輕食主題既西餐廳越開越多，基本上就算日日去唔同Cafe Hopping 都需要一段非常長既時間先至可以全港走勻晒。但要數荃灣區我喜歡既同類餐廳，一定會包括係如心酒店旁既Espresso Alchemy。.已經數唔到第幾訪，但今次難得坐到個打卡窗景位置，當然要配合下打番張卡。餐廳其實地方唔太大，大約不足十零張枱。但勝在有特高樓層同超大落地玻璃採光一流。環境好舒服，所以次次嚟到基本上都要等一陣。.平日有早午市餐牌而假日黎到就可以食All Day Menu。餐廳主打健康輕食，沙律三文治Panini 款式選擇好多，當然仲會有意粉意大利飯呢類主食，方便一班打工仔過嚟食晏。.牛肉雜菌三文治伴沙律配檸檬醋醬 💲88⭐️4/5同想像中有少少唔同，原本以為係類似沙嗲牛肉餡料既三文治，但呢份既牛肉雜菌餡料就好似係食緊日式牛肉飯一樣，用左肥牛洋蔥同雜菌加醬汁炒香，再放三文治內。因為醬汁好多，所以要用上刀叉先得。三文治烘得香脆好食。中間配咗好大份嘅沙律菜營養均衡非常健康。.烤雞菠蘿漢堡配檸檬乳酪醬 💲123⭐️3.8/5烤雞菠蘿漢堡選料配搭上全部都係我喜歡嘅野。特別一提係烤雞係超大一塊嘅雞扒，面烤得非常香脆。
.
已經數唔到第幾訪，但今次難得坐到個打卡窗景位置，當然要配合下打番張卡。餐廳其實地方唔太大，大約不足十零張枱。但勝在有特高樓層同超大落地玻璃採光一流。環境好舒服，所以次次嚟到基本上都要等一陣。
.
平日有早午市餐牌而假日黎到就可以食All Day Menu。餐廳主打健康輕食，沙律三文治Panini 款式選擇好多，當然仲會有意粉意大利飯呢類主食，方便一班打工仔過嚟食晏。
.
牛肉雜菌三文治伴沙律配檸檬醋醬 💲88
⭐️4/5
同想像中有少少唔同，原本以為係類似沙嗲牛肉餡料既三文治，但呢份既牛肉雜菌餡料就好似係食緊日式牛肉飯一樣，用左肥牛洋蔥同雜菌加醬汁炒香，再放三文治內。因為醬汁好多，所以要用上刀叉先得。三文治烘得香脆好食。中間配咗好大份嘅沙律菜營養均衡非常健康。
.
烤雞菠蘿漢堡配檸檬乳酪醬 💲123
⭐️3.8/5
烤雞菠蘿漢堡選料配搭上全部都係我喜歡嘅野。特別一提係烤雞係超大一塊嘅雞扒，面烤得非常香脆。不過雞扒調味略重，配搭菠蘿一齊食酸酸甜甜就好完美。
.
咖啡白朱古力西多士 💲45
⭐️4/5
相比起其他輕食店呢度嘅甜品選擇唔算多，有基本嘅片裝蛋糕同埋呢款朱古力西多士。飲咖啡鍾意配搭甜品食，本身怕呢份朱古力西多士會比較膩，點知原來都幾輕盈。西多士其實只係西式多士，唔係港式嗰一種油炸品。超薄身嘅多士配上薄薄一層朱古力醬，配埋碟邊酸酸甜甜嘅果醬一齊食，香口唔甜，一口氣食哂三件都唔會覺得好過份，
.
Cold Brew 💲60
Cappuccino (L) 💲42
呢到既咖啡我一向都好喜歡，特別係Cold Brew 性價比好高。呢到既冷萃咖啡好大枝自己慢慢倒，有靚靚冰波底打卡都一流。咖啡聞落好香入口有淡淡既酒香味，係我好喜歡既味道。
.
總結：喜歡又常到既啡店之一，咖啡同食物都有水準，值得推薦。
.
不專業食評 nei.foodie
烤雞菠蘿漢堡配檸檬乳酪醬
$123
44 views
0 likes
0 comments
烤雞菠蘿漢堡配檸檬乳酪醬
$123
67 views
0 likes
0 comments
牛肉雜菌三文治伴沙律配檸檬醋醬
$88
41 views
0 likes
0 comments
Cold Brew
$60
38 views
0 likes
0 comments
Cold Brew
$60
28 views
0 likes
0 comments
Cappuccino (L)
$42
32 views
0 likes
0 comments
咖啡白朱古力西多士
$42
32 views
0 likes
0 comments
Post
