Vici Stage

Open Now

Now Closed

琴日同屋企人同埋朋友去咗依間餐廳食飯，初時睇佢表面係一間酒吧，以為食物應該一般，之後睇一睇餐牌，發現佢有多款唔同國家嘅食物，但以泰國為主既菜式比較多，之後我地叫左幾個餸，重有Mocktail同cocktail，當中有幾個餸我比較難忘，首先係，佢個香煎帶子大蝦泰式田園沙律，呢個沙律，好有泰式風味，佢酸酸地辣辣地非常開胃，仲有新鮮嘅帶子同好爽嘅大蝦加上佢用嘅菜非常新鮮，好爽甜，之後要介紹係焦糖蒜香牛柳粒，呢個牛柳粒除咗有蒜香嘅味道之外，仲每一粒包住焦糖，食落甜甜地，味道非常得意，最後想介紹下佢個新鮮蟹肉蟹膏意大利飯，呢個意大利飯簡直就係極品，蟹肉蟹膏豐富，而且蟹肉非常新鮮，蟹膏同蟹肉包住每一粒飯，我感覺鮮味十足，講得出呢間係間酒吧，當然唔可以唔介紹下佢d野飲，我飲果杯係用冬瓜茶同青檸調制而成嘅cocktail，呢杯cocktail有好濃青檸味，但酒味唔太濃，再有小小冬瓜茶既味道，令我飲完有置身台灣飲冬瓜茶既感覺，呢杯cocktail非常特別，整體而言，呢間餐廳，環境昏暗，嘢食一流， 嘢飲夠特別創新，實在岩哂想飲野傾計加食飯嘅朋友們，順帶一提，佢有水煙提供，更加適合想食水煙嘅人去。