樓下冰室 (Closed)

呢日經過荃灣見到有間冰室用蕃茄湯嚟做主題， 由於個仔鍾意食蕃茄湯既關係， 所以我就走去睇下， 門口見佢嘅招牌推介仲有瑞士雞翼， 同埋厚切牛乳炒蛋三文治， 由於我哋早去，大概六點左右去到所以唔使排隊。特色蕃茄濃湯螺絲粉配牛乳炒蛋套餐跟咗德國腸同埋瑞士雞髀， 瑞士雞髀好入味， 雞髀嘅肉質幼嫩滑， 保持到肉汁。 肉腸有四款， 由芝士腸 ，早餐腸 ，辣嘅珍寶腸同埋唔辣嘅珍寶腸， 到個蕃茄湯螺絲粉， 蕃茄湯底夠香濃， 似係自己用蕃茄餚湯。吉列豬扒配厚切牛乳炒蛋三文治套餐跟咗個薯仔沙律， 個厚切牛乳三文治幾揼本 我諗呢度大概有三隻蛋左右， 蛋味幾香， 加咗牛乳有少少creamy嘅感覺， 吉列豬扒炸得夠脆身， 夠入味，唔會好乾。 吉列豬扒飯同另外個餐都一樣塊豬扒都係炸得夠脆身， 豬扒都幾大塊差唔多有成半隻碟咁大。麻辣脆雞粒雞粒炸得都幾脆， 以炸嘅小食嚟講呢隻雞粒嘅麻辣味都算幾出。