Espresso Alchemy

Open Now

Now Closed

多日連假已好耐無外出，今日難得出外，嘆個悠閒的早午餐，呢間多次到訪的咖啡店，有麵包、三文治、意粉、全日早餐、自家製蛋糕……除左拿手的咖啡，仲有西茶同朱古力飲品，更添加酒類入特飲中，很有特色。當日人流多，但快來快去，難得周圍都少人，過左一陣又快滿座，不過仍可以慢慢食，嘆左個中午時段。青醬雞扒排沙律 $75雞排用慢煮方法，肉質好嫩，柔軟微彈，而且有肉汁唔會乾，食完無渣，真係我食過最好味嘅雞胸肉。微微青醬幫雞肉提味，配搭羅馬生菜及火箭菜，前者新鮮爽脆 ; 後者微苦令沙律味道無咁單調，而且都好夾雞肉。特別用乾蕃茄配黑橄欖，令調味剛好，微酸好開胃，整個沙律份量亦夠多，好抵食。Earl Grey Chocolate (Lge) $44 伯爵茶的橘子清香好夾香甜朱古力味，茶微甘與朱古力的甘甜亦互相配合，味道唔會好甜也不膩，溫暖順喉，香純回甘。自家製 香蕉蛋糕 ＄28蛋糕有三款口味，當日只有藍莓或香蕉，想甜品更溫和香甜，所以揀左香蕉蛋糕。烘至微熱，而且邊位微脆，蛋糕暖暖地，又鬆軟綿密的口感，味道都幾濃，好似食緊成隻香蕉咁。