Video
Read full review
2019-03-28
2694 views
真係唔去過都唔知，原來荃灣廣場附近開左一間，早兩日過去享和街換胎，順便嗰邊揾野食先發現有間日式餐廳，以為係拉麵店，入到去睇餐牌先知原來只係賣沾麵！6:00pm 去到，可能比較早人流唔太多，餐廳簡潔，非常日式小店感覺，座位主要以4 人檯為主，店鋪入面散發著陣陣醬油味道！落單也非常簡單，全店只賣3 款沾麵，幾款飲品，圈好交俾侍應佢哋會清潔返重用，非常環保呢一貫日式餐廳開放式廚房，可以清楚睇到廚師製作沾麵時的情況，仲可以睇到廚房幾咁乾淨，增加我對佢哋食物質量既信心！趁師傅埋頭苦幹整麵既時間，睇下貼喺牆身既小知識，因為各處鄉村各處例，為左達到最好既味道，可能每間沾麵店都有自家食法！如果有呢d知訊，我通常都會趁機睇下！話都無咁快我叫既黑蒜油沾麵就送到嚟，份量比一般既拉麵大，2 大片叉燒，個湯蒜香味十足，非常濃烈既醬油味道！已經令我食指大動！我先試一啖湯，湯汁'杰'身，膠質非常重，除了淡淡既豬骨味外，仲有麻油及黑蒜味，而且仲有大量蔥花，另到味道非常惹味，簡單d嚟講都幾重口味，建議食開濃味既朋友可以食下！煙軔既麵條本來平平無奇，加入沾麵汁後就變得更爽滑，本來重口味既湯黏上麵條後變得更易入口，蒜香滿滿
6:00pm 去到，可能比較早人流唔太多，餐廳簡潔，非常日式小店感覺，座位主要以4 人檯為主，店鋪入面散發著陣陣醬油味道！
落單也非常簡單，全店只賣3 款沾麵，幾款飲品，圈好交俾侍應佢哋會清潔返重用，非常環保呢
一貫日式餐廳開放式廚房，可以清楚睇到廚師製作沾麵時的情況，仲可以睇到廚房幾咁乾淨，增加我對佢哋食物質量既信心！
趁師傅埋頭苦幹整麵既時間，睇下貼喺牆身既小知識，因為各處鄉村各處例，為左達到最好既味道，可能每間沾麵店都有自家食法！如果有呢d知訊，我通常都會趁機睇下！
話都無咁快我叫既黑蒜油沾麵就送到嚟，份量比一般既拉麵大，2 大片叉燒，個湯蒜香味十足，非常濃烈既醬油味道！已經令我食指大動！
我先試一啖湯，湯汁'杰'身，膠質非常重，除了淡淡既豬骨味外，仲有麻油及黑蒜味，而且仲有大量蔥花，另到味道非常惹味，簡單d嚟講都幾重口味，建議食開濃味既朋友可以食下！
煙軔既麵條本來平平無奇，加入沾麵汁後就變得更爽滑，本來重口味既湯黏上麵條後變得更易入口，蒜香滿滿！
除左用嚟浸麵外，用嚟浸叉燒都係一絕，蔥花將叉燒味道增次升級，叉燒瞬間將湯汁索左入肉裡面，除軟稔外仲多左陣蔥油香！第一次食到日式叉燒有呢個味道，又幾得意！
最後真係第一次食到帶蔥油味既温泉蛋！ 師傅一早將嫩滑既温泉蛋加入沾麵湯汁入面！
一咬開，流心既温泉蛋汁即時流晒出嚟！ 生熟程度做得十分好，加少少湯汁落去食，仲多左陣蔥蒜味，相信好多人都未試過咁食温泉蛋，又係驚喜之值得推介！
Post
