康樂茶冰廳

Open Now

Now Closed

康樂茶餐廳，我由細幫襯到大，讀書嘅時候已經喺嗰度食下午茶餐，印象中十零蚊有交易，對學生哥而言真係貼地又好食。今日再重臨，裝修依然冇乜變，情懐仍舊。老夥計人手落單，上菜依然快靚正。沙嗲牛肉包$18 包面微微焗熱，入口香脆，沙嗲牛肉又軟又稔、沙嗲醬惹味，真係又平又好食。茶餐$41叉燒湯意叉燒不肥不靭，意粉彈牙，湯底美味，味精感不多。火腿奄列正常水準，蛋入口唔老餐包就係凍嘅。熱鴛鴦茶啡味道平均，奶夠滑，熱足夠，有水準。