Video
Read full review
2023-01-17
125 views
El Cerdo📍荃灣大壩街77號地舖呢日同朋友久違地去荃灣行街，行完荃灣廣場之後，就想搵嘢食，不過荃灣廣場嘅餐廳大多數係連鎖店，所以我哋都想喺附近搵一啲有特色嘅餐廳試吓。等過馬路嘅時候，見到呢間餐廳裝修得幾有異國風情，望完餐牌又望吓OpenRice之後決定入去坐低飲杯嘢同叫啲小食試吓，估唔到會咁好食，迎嚟今年度第一間拎5粒星嘅餐廳！ 💰$68 🧆炸黑毛豬火腿球 Liberian Ham Croquetas除咗睇食評見到幾乎人人都有叫呢款火腿球之外，店員都有介紹呢款係佢哋餐廳嘅招牌菜，基本上係不試不得，於是我哋就點咗一碟嚟食。一碟有四件炸火腿球，裏面嘅餡料係用咗60個月嘅伊比利亞黑毛豬火腿粒整成，味道非常香口。火腿球表面炸得好香脆，調味亦較濃好惹味，加埋上面嘅蛋黃醬一齊食，有啲似食緊西班牙風味嘅炸章魚小丸子！呢款我同朋友都覺得係必點嘅，唔好睇佢得四嚿好似好少，其實都好飽肚㗎！ 💰$108 🦐🥖鐵板燒蒜蓉辣椒炒大蝦 Gambas Pil Pil我哋另外叫咗呢款大蝦tapas嚟食，想碟嘅時候鐵板燒得好熱，所以啲油同醬汁燒到咋咋聲，店員同我哋講可以用跟碟上嘅麵包點汁，夾埋啲蝦一齊食。呢個菜式
📍荃灣大壩街77號地舖
呢日同朋友久違地去荃灣行街，行完荃灣廣場之後，就想搵嘢食，不過荃灣廣場嘅餐廳大多數係連鎖店，所以我哋都想喺附近搵一啲有特色嘅餐廳試吓。等過馬路嘅時候，見到呢間餐廳裝修得幾有異國風情，望完餐牌又望吓OpenRice之後決定入去坐低飲杯嘢同叫啲小食試吓，估唔到會咁好食，迎嚟今年度第一間拎5粒星嘅餐廳！
[價錢 Price]
💰$68 🧆
炸黑毛豬火腿球 Liberian Ham Croquetas
除咗睇食評見到幾乎人人都有叫呢款火腿球之外，店員都有介紹呢款係佢哋餐廳嘅招牌菜，基本上係不試不得，於是我哋就點咗一碟嚟食。一碟有四件炸火腿球，裏面嘅餡料係用咗60個月嘅伊比利亞黑毛豬火腿粒整成，味道非常香口。火腿球表面炸得好香脆，調味亦較濃好惹味，加埋上面嘅蛋黃醬一齊食，有啲似食緊西班牙風味嘅炸章魚小丸子！呢款我同朋友都覺得係必點嘅，唔好睇佢得四嚿好似好少，其實都好飽肚㗎！
[價錢 Price]
💰$108 🦐🥖
鐵板燒蒜蓉辣椒炒大蝦 Gambas Pil Pil
我哋另外叫咗呢款大蝦tapas嚟食，想碟嘅時候鐵板燒得好熱，所以啲油同醬汁燒到咋咋聲，店員同我哋講可以用跟碟上嘅麵包點汁，夾埋啲蝦一齊食。呢個菜式真係好出色，一個細細的鐵板裏面裝咗八隻大蝦，就算咁高溫煎住上碟，啲蝦都仲係非常彈牙，唔會過熟，讚！蒜蓉片同辣椒令到佢嘅口味昇華，睇落好似好多油，但其實又一啲都唔油膩，食落都有好正宗嘅西班牙菜味道啊！
[價錢 Price]
💰$78 🍳
傳統洋蔥薯仔西班牙奄列 Classic Tortilla of Potato, Egg & Onion
另一款好多人都有點嘅菜式就係呢款西班牙奄列喇，上枱嘅時候仲以為係甜品黎添，點知原來係用蛋、洋蔥、薯仔組成嘅奄列。一上枱我同朋友都忍唔住要影個story，一切開啲薯仔同餡料就流晒出嚟，非常適合打卡！除咗睇得之外，呢款奄列唔會過鹹，味道偏清淡，夾埋其他菜式一齊食，啱啱好！
佢嘅薯仔粒唔會過硬過淋，流質嘅內餡加厚實嘅蛋一齊食真係好夾，最重要係加少少放喺上面嘅蛋黃醬嚟食，滋味滿分！
[價錢 Price]
💰$65
覆盆子味飲品 🍹
我哋叫咗兩杯嘅飲品，而呢杯raspberry mocktail真係出乎意料之外咁好飲！佢加咗檸檬汁同雪碧咁調出嚟，睇落顏色鮮艷，飲落仲非常清新添！朋友話呢杯飲品真係好特別，係佢喺第二度未試過嘅口味，讚口不絕！
[價錢 Price]
💰$65
提子味飲品 🍇
而另一杯就係提子汁，味道有少少似黑加侖子汁，相比之下就冇咁突出，但都好飲嘅！
埋單我哋食咗四百幾蚊，午市嚟講，荃灣當然有更經濟嘅選擇啦，但係食到咁有特色嘅餐廳，環境舒適，店員友善，再加埋嘢食咁用心製作，唔俾五粒星真係講唔過去，大家去開荃灣如果想食好味嘅西班牙菜，都可以試吓呢間餐廳！
Post
