鼎家喜筷 (Closed)

今日同媽媽去荃灣西行DONKI，行到累就喺商場內搵嘢食。最近天氣又凍凍地，就搵左間任添加雞件嘅火鍋店試下。 火鍋店裝修簡約以木色及木系為主，充滿台式設計。 地方夠大，坐得舒服。仲有卡位可選擇。坐低後望出窗外，仲可以看到藍巴勒海峽，即時心曠神怡。我哋叫咗每位$168 ，90分鐘幸福雞煲 「無限添加雞件 」配「新鮮蔬菜1份」套餐。 再加紐西蘭羊肉片暖暖身。 當然要叫埋媽媽超愛吃嘅豆卜同珊瑚蚌。另加每位$28 任飲花茶，可選菊花薏米/洛神花茶。先來熱辣辣嘅雞煲，內面已有爆咗嘅洋蔥、豆腐卜、香葉及不同部位嘅雞件。 調味夠濃郁。 我哋叫咗小辣，非常野味，吊出雞嘅鮮味。 雞件肉質鮮嫩，非常新鮮同滑溜。 雞皮非常彈滑，唔老。 超重雞味。 跟雞煲附送嘅新鮮蔬菜1份，有粟米、花菇、黃芽白同金菇。 幫助消除雞肉的油膩感。 豆卜好有豆味珊瑚蚌超大碟足料，非常新鮮。 只要滾20秒，超爽口彈牙。 滿滿珊瑚蚌的鮮甜味。紐西蘭羊肉片，超重羊味。 脂肪比例平衡，唔會過肥，好健康又可暖身。