花居酒屋 (Closed)

荃灣都有日式「花居酒屋」突然好想食日本野，上網見到呢間好似唔錯，就去試吓🥰餐廳細細地，裝修勁似日本居酒屋。職員都好友善，唯獨是點菜時，我讀食物的號碼給她時，她叫我「讀食物嘅中文名」，我點幾樣都讀號碼俾佢，佢再次說「講中文」，完全無尾音，語氣也麻麻地，另一半覺得不太友善。但都照讀中文字俾佢點菜。男員工比較友善親切，整體其實可以接受。如果你肯讀中文點菜就無問題😂講返食物質素，「皇帝蟹肉蟹籽沙律」$68都幾大份，清新爽口又開胃。「竹壽司盛盒」$198 壽司🍣上的刺身都好新鮮，絕對抵食。「碎蔥吞拿魚腩」兩件$38蝦子餅讚味道唔錯，豐郁鮮甜「甜蝦」兩件 $48 新鮮彈牙「海膽」兩件 $78 鮮甜美味，份量再多啲更好「燒大蔥」一串 $18「燒茄子」兩件 $18「鹽燒黑豚腩」兩件 $48「雞翼」一件 $22串燒上枱香味撲鼻，好似落咗勁多粉，食落有啲咸。喜歡食濃味的應該會喜歡。餐廳內有櫻花樹及和服👘位打卡，本來我都想影吓，不過有其他客人在進餐，就不打擾其他人了。晚飯時間都幾Full，有興趣記得先預約啊！🥰花居酒屋 (荃灣)荃灣海壩街108-114號荃碧大廈地舖