Video
Read full review
2020-08-20
106 views
公司附近開咗間新嘅川菜店，係香工地庫入面，外賣自取85折，本身見佢價錢已經比較大眾化，仲有85折真係好抵，外賣都可以食得又平又豐富，放工就買外賣返屋企。一向喜歡食川菜嘅我，一定必食嘅係水煮類或酸菜類。推介: 今次我叫咗一份細嘅麻辣水煮魚(小辣)$168，佢另外有 大份嘅水煮魚($268)可以選擇，足夠4-5人用，但我哋3 個人食又想試下其他小菜所以叫份細嘅，但其實佢嘅份量都唔少, 材料都好豐富，除咗有魚之外仲有其他配菜包括金菇、涼粉、瓜片。魚片好大塊，無骨兼有魚皮，一啲都唔腥，魚肉好滑之餘，連啲魚皮都滑嘟嘟，因為外賣返到我屋企都要約三十分鐘車程，但返到屋企開嚟食，啲魚片仍然保持嫩滑爽口，呢個係我欣賞佢嘅地方，相信佢條魚應該都幾新鮮，如果唔係冇可能外賣返到屋企都保持到咁滑。佢個水煮湯底酸酸辣辣，係開為惹味嘅，水煮魚用來配飯係一流，飯都食多兩啖。小菜- 泡椒肥腸(BB辣)$78 - 推介佢嘅小菜炒得好有鑊氣，泡椒肥腸係濕炒，BB辣係酸多個辣嘅，而且配菜有萵筍片，完完全全吸收晒汁料，食落去爽口之餘仲帶點清新，肥腸係彈牙爽口， 爽口到你喺個口裏面都感覺到咀嚼嘅爽脆聲，本人比較喜歡吃彈牙爽脆嘅肥
一向喜歡食川菜嘅我，一定必食嘅係水煮類或酸菜類。推介:
麻辣水煮魚
$168
19 views
0 likes
0 comments
麻辣水煮魚
$168
17 views
0 likes
0 comments
小菜- 泡椒肥腸(BB辣)$78 - 推介
泡椒肥腸
$78
10 views
0 likes
0 comments
佢嘅小菜炒得好有鑊氣，泡椒肥腸係濕炒，BB辣係酸多個辣嘅，而且配菜有萵筍片，完完全全吸收晒汁料，食落去爽口之餘仲帶點清新，肥腸係彈牙爽口， 爽口到你喺個口裏面都感覺到咀嚼嘅爽脆聲，本人比較喜歡吃彈牙爽脆嘅肥腸多過有啲煮到佢淋曬嘅 ，肥腸裏面亦洗得好乾淨，所以食得好安心。
涼菜- 尖椒皮蛋(BB辣)$38 推介：
尖椒皮蛋
$38
27 views
0 likes
0 comments
皮蛋晶瑩禿透，雖然已經用調味料涼拌咗，但依然見到裏面 金黃色又豐滿嘅皮蛋黃，筷子夾落去嗰時裏面啲皮蛋黃多到好想流出嚟咁， 有啲人怕食皮蛋因為怕有腥味， 呢度嘅尖椒皮蛋係完全冇腥味，同埋食落去都唔似皮蛋，因為佢裏面嘅蛋黃好似流心奶黃咁，其實完全唔使點咬，個蛋黃都好似慢慢喺個口度融化， 而且叫咗微辣，其實一啲都唔辣，佢個調味比較鹹香， 配合呢個尖椒皮蛋， 醬汁已經索曬入去皮蛋裏面更加突出到個鹹香味， 而且尖椒切絲， 佈滿 皮蛋上面 ，尖椒大部分都去籽，其實咬落去都唔辣，好似食緊青椒咁， 一口皮蛋及尖椒，又軟又爽脆嘅感覺好正， 而且尖椒嗰隻椒香味同皮蛋係好夾。
無骨口水雞半份(小辣)$108
無骨口水雞
$168
16 views
0 likes
0 comments
無骨兼且啖啖肉，好有雞味唔似雪藏雞， 而且我好鍾意佢好多芫茜做配菜， 配菜送飯都好開胃， 而且佢口水雞個麻辣汁都係帶酸辣， 唔覺唔覺就會食多兩啖。 口水雞有例牌($68)/ 半份($108)/ 全份($188) 可選擇，外賣自取有85折，叫咗半份折扣後90蚊左右，好抵食!
甜品- 黑糖糍粑(细)$24
黑糖糍粑
$24
106 views
1 likes
0 comments
食川菜辣嘢，其實最好要配啲甜品解辣，好彩我最後尾都加多個黑糖糍粑，雖然大部分嘅菜都係嗌小辣同BB辣，但水煮魚食咗一段時間之後，麻辣都係會慢慢喺個口裏面揮發出來， 呢個時候食番件qq彈牙嘅黑糖糍粑解辣最適合不過。佢嘅黑糖醬係另上嘅，你食嗰陣時淋上去或點嚟食都得， 一條長長嘅糍粑外脆內軟，仲有啲黃豆粉喺外面，如果唔點黑糖醬食， 糍粑本身冇乜味道，但配上黑糖醬就完全係另一番天地，所以個 黑糖醬真係主角， 佢嘅口感係畀湯丸類更加qq彈牙更煙韌， 雖然外賣 攤凍咗先食，但係糍粑個韌度唔會因為時間耐咗而變硬， 照樣食得出外脆內軟嘅口感， 而且好似魔術咁，當你覺得辣嘅時候食一個黑糖糍粑，真係完全消除咗辣嘅感覺。
埋單$442，折咗都係$376，抵！
大部份菜都可選辣度：走辣、BB辣、小辣、中辣、大辣。外賣自取85折係全日適用，我LUNCH 都可以外賣午餐
Other Info. :
外賣自取85折
(The above review is the personal opinion of a user which does not represent OpenRice's point of view.)
Post
