。
2
餐店o既竹架門面至樑上o既燈籠吊飾，四周o既裝備都極富中國色彩。
1
1
門外展出多頁餐牌及彩圖推介項目供食客參閱。
1
1
1
2
姨丈一早訂咗張大枱，一行九人一到步即有位坐。經理哥哥非常落力好客，埋位開茶時亦不忘介紹超值o既八人及十人午市套餐
。
1
1
長輩應推介點咗個十人小菜套餐，$968包有無添加老火靚湯、原隻盈福招牌瑤柱浸雞、自選八款指定小菜、白飯及甜品，單睇價格已覺抵
。此外，仲加點咗幾款前菜小食黎分。
1
香橙鮮准山（$45）：橙味准山前菜清新開胃，配搭新穎討好。
1
金磚脆豆腐（$48）：炸至金黃o既豆腐粒外脆內嫩滑，簡單伴上炸蒜粒已夠惹味
。
2
雞絲拌粉皮（$48）：雞絲粉皮香潤甜美，同樣味佳。
1
十人小菜套餐之無添加老火靚湯：老火湯足料火喉夠，清甜濃郁且不油膩，大家都覺得好有驚喜。
1
1
1
十人小菜套餐之家鄉欖豉骨：欖豉骨香口帶甜。
1
十人小菜套餐之香煎蚵仔蛋：蛋蛋煎得夠乾巧，入面o既蚵仔更加係肥嘟嘟、滑lut lut
，掂呀！
1
十人小菜套餐之菜芯炒手切牛肉：鮮綠色o既菜芯咬落真係好卜卜脆，手切牛肉亦炒得好軟腍，家常小菜確真好OK。
1
十人小菜套餐之家鄉小炒皇：小炒皇因含果仁，故細佬未有一試。
1
十人小菜套餐之盈福招牌瑤柱浸雞：鎮店名菜瑤柱浸雞皮光肉滑，外柔內嫩，雞味更是濃而不俗，招牌菜式果然有料到
！
1
1
十人小菜套餐之涼瓜炆海石斑頭腩：小肥怕骨，所以冇試到炆頭腩。
1
十人小菜套餐之黃金粟米石斑塊：石斑塊其實炸得都唔錯，只係個人略嫌層炸粉厚咗少少
，整體唔夠輕盈。
1
1
十人小菜套餐之馬蹄土魷蒸肉餅：咁多味小菜中最能取悅XO仔心必選此款蒸肉餅
，因其厚度適中之餘，食落仲覺得其質感鬆嫩滑腍，毫無瑕疵！
1
十人小菜套餐之蝦仁紅燒豆腐：紅燒豆腐外腍帶脆，豆腐心亦好幼滑香嫩。
1
招牌炒米粉（$98）：由於契媽於食飯近尾聲時加入，剩餘o既餸菜都凍哂，姨丈就好客氣咁加多客熱辣辣o既招牌米粉
。
1
有兩隻大蝦喺面o既米粉炒得好夠清爽乾身入味
，席上o既長輩都大讚有鑊氣，相當難得。
1
十人小菜套餐之芋頭西米露：套餐包埋微甜可口o既芋頭西米露，無奈大家腸胃空間實在有限，唔係個個食得落。
1
銅鑼灣低調粵菜館「盈福小廚」於裝修上散發著中國風彩，服務生態度誠懇好客，不時自動換上潔淨o既餐具，感覺衛生良好。午市小菜套餐全以盈福瑤柱招牌浸雞為主角，餐中o既多味家常小菜其實都好有水準，款式多、質量好，最重要係價錢超值，平均百幾蚊就有交易，咁仲唔係荷包同個口一樣咁有福
？！
1
