茶木‧台式休閒餐廳 (Citylink)

Open Now

Now Closed

食過頗多間台式餐廳，不論係台灣當地定海外台灣人開嘅餐廳。呢間味道算幾好，俾到驚喜我同我台灣女友。連佢本土台灣人都對個芥末鳳梨蝦球讚不絕口，芥末醬搭配一流，有別於平時嘅沙律醬，而且應該真係用台灣鳳梨而唔係平價罐頭嘢。佢覺得就呢度菜而言，整體搭配仲好食過台灣當地。沙朗牛扒燉飯亦有配金鑽鳳梨(佢嘅摯愛)，牛扒大約7成熟剛剛好。另外小食拼盤嘅烤香腸同鹽酥雞都好味兼抵食，香脆得嚟又唔會太咸 。價錢方面兩個人食咗4樣嘢約$350，覺得值得再去。