Soul9+ (Closed)

因為呢日要同客戶開會，所以夜晚在港島區食埋個晚飯才回家。於是老公提議去北角食，我就跟住佢來到呢間餐廳。其實餐廳的格局好像一間酒吧，而入面的裝潢好有格調，最吸引我的是門口旁邊的裝飾，很有英倫風。餐牌好特別，會標明有那些菜式係相機食先，讓視覺和味覺都能享受美食。巴打又點了可樂啦~而我依然故我，點了一杯熱朱古力，暖暖的又香濃，原來配埋枱面的小燭台一齊拍照非常有美感。煙燻．海膽玉子燒呢味菜式確實是相機先食之選，因為上枱時係用玻璃蓋蓋住。然後慢慢打開，白煙便會徐徐透出，真係好夢幻。而佢亦都唔係得個樣，玉子燒好滑嘟嘟，而海膽非常鮮甜可口。軟殼蟹．粟米片．日本紫薯蓉意大利飯紫色的意大利飯真係第一次見，代替了平時煮意大利飯的醬汁，香滑得來又多了一份紫薯的甜味。另外，飯面的整隻軟殼蟹很有霸氣，好似唔俾我哋掂下面的飯，不過我哋食埋佢，覺得脆卜卜好惹味。脆炸薯條．自家蜜糖芥末醬薯條的份量可不少，厚切得來外脆內軟，點埋呢個醬食有點甜甜地，香得來唔太辣。