Video
Read full review
2004-08-27
14 views
尋晚一班識左廿年有多的朋友又聚會，原本去開東寶，但當中有人話呢度同東寶幾相似，想來試試。吃新的食肆是我最喜歡做的是，當是卻之不恭。呢度位處清風街，舖子不大顯眼，但八點鐘來到，人也一點不少，都坐滿了八成客。地方是街坊小菜館的樣子，幾光猛又乾淨。望個餐牌又真係同東寶有七成相似，不過呢度種類好似少一點。價錢比東寶便宜兩成左右，多數都係五十蚊樓下，但碟頭亦細少少。先來三款小吃，分別是炸豬手、炸雞軟骨及炸蛋。炸豬手其實是豬腳，﹝唔知今時今日還有無食家識分豬手定豬腳呢？﹞炸得過了點點火位，香脆有餘，但無咩肉食，也算是不錯的下酒小菜。炸雞軟骨是以脆醬包著炸，脆醬真的炸得很鬆脆，廚房是有點功夫的，雖然我還是比較喜歡醬燒或鹽燒，但也不得不承認是一個做得不錯的小吃。炸蛋是炸墨魚膠藏原隻皮蛋，幾特別，亦做得不錯，但個人而言麻麻地喜歡。可惜麻辣仙掌及炸榴槤皮沒得供應，看名字也是值得一試的菜色；再來四款小菜，水準就較有好有唔好。海棠骨是一舊四四方方的半肥廋豬肉，浸在甜醬汁中，炆得幾入味，用刀叉去分開來吃，肥及半肥廋的部份味道一流，廋肉就韌了些少，整體來說是很不錯，必叫的菜色之一，單叫呢味及幾碗白飯已經夠吃飽兩個
望個餐牌又真係同東寶有七成相似，不過呢度種類好似少一點。價錢比東寶便宜兩成左右，多數都係五十蚊樓下，但碟頭亦細少少。
先來三款小吃，分別是炸豬手、炸雞軟骨及炸蛋。炸豬手其實是豬腳，﹝唔知今時今日還有無食家識分豬手定豬腳呢？﹞炸得過了點點火位，香脆有餘，但無咩肉食，也算是不錯的下酒小菜。炸雞軟骨是以脆醬包著炸，脆醬真的炸得很鬆脆，廚房是有點功夫的，雖然我還是比較喜歡醬燒或鹽燒，但也不得不承認是一個做得不錯的小吃。炸蛋是炸墨魚膠藏原隻皮蛋，幾特別，亦做得不錯，但個人而言麻麻地喜歡。可惜麻辣仙掌及炸榴槤皮沒得供應，看名字也是值得一試的菜色；
再來四款小菜，水準就較有好有唔好。海棠骨是一舊四四方方的半肥廋豬肉，浸在甜醬汁中，炆得幾入味，用刀叉去分開來吃，肥及半肥廋的部份味道一流，廋肉就韌了些少，整體來說是很不錯，必叫的菜色之一，單叫呢味及幾碗白飯已經夠吃飽兩個人。蔥爆豬四寶，四寶只記得豬粉腸、豬腰及豬肚三樣，炒得過濕，茨下得太杰，主角的蔥少了看頭，四寶亦不見佳處，麻麻地。椒鹽九肚魚炸得香脆可口，吃得出廚房在運用脆醬方面很耍家，如果九肚魚能多刮清魚麟就更可口。三杯雞味道不錯，除雞件之外還有筍、蔥頭及薯仔，因吸收了醬汁及雞的味道，所以配菜比主角還好吃。醉蝦酒味不足，可以再重手些少，不過蝦就幾靚，雖然有大有小，但隻隻有羔，是靚貨。
還叫了荷葉飯及蟹粥。荷葉飯份量夠分八小碗，略濕亦不太夠味，還是東寶那個鴨汁荷葉飯好食。蟹粥一桶上，有原隻蟹，份量都夠八至十小碗。可惜粥是有少許味精的「羅富記」粥底，不過以一間小菜館來說這個亦可以原諒。雖然不覺有蟹味走進粥內，但蟹就是生猛即的，不過就不是很好肉。
連啤酒汽水，埋單七百多，九個人分一人只八十蚊，幾抵食。雖然比起東寶來說是略遜，但如果經過呢區是值得一試的。
Post