小麻吉滷肉飯 (Closed)

唔知點解最近係咁食台灣野🤔🙈呢間餐廳又係主打台式料理，不過佢哋菜式都幾多，單係小食都有24款，價錢仲好抵，少少錢就可以食到幾款菜餚！淨係見到啲圖都令人垂涎呀🤤✎ 煎蛋滷肉飯 菜新鮮爽口又多汁，鍾意食菜既我絕對俾佢過關！蛋煎到薄薄地，勁滑嫩，底又唔會煎到燶哂👍🏻飯粒粒分明，少濕但唔係爛飯🤤飯桶既我表示okok！茄子表皮唔係硬硬地，嫩嫩地，冇煮到老哂！成碟飲嘅重點滷肉一啲都唔乾身，幾濕潤，少肥膏 ，亦都唔會太鹹。😋✎ 鍋燒麻辣擔擔麵 湯底勁麻辣，但係未至於辣到唔開胃，佢都幾惹味😋餃子皮薄，餡多但少肥膏😳至於炸蝦炸到金黃色，好脆🍤伴菜仲有煙韌既甜不甩，令到成碗麵口感層次多變～✎ 牛肉燥卷餅 表皮脆，入面有生菜包住牛肉碎，牛肉味濃得黎又有清新感！🌯✎ 凍珍珠奶茶 多珍珠，少甜，奶茶味濃。✎ 凍洛神花茶 酸酸甜甜，幾似岀面野飲舖買嘅洛神花茶既味道🤣💓✎ 珍珠紅豆仙草凍材料有紅豆、花生、珍珠、仙草，濃郁奶味，少甜。