菠蘿仔食堂 (灣景廣場) (Closed)

#搞串個pantry今次就去到天橋之城#荃灣 食嘢。呢度嘅天橋網絡🌁真係四通八達，呢間餐廳🍽️都係靠天橋都去到嘅。餐廳以菠蘿🍍為主題，有多種以菠蘿做食材嘅餐點。今次我哋就嗌咗牛油果蟹子沙律包配炸薯條($62)🥑、手打牛肉漢堡配炸薯條($89)🍔、軟雪糕菠蘿包($32)🍦。兩個漢堡嘅賣相望落一般般，麵包望落唔夠靚仔，生菜個樣都有少少影響咗個賣相😕。牛肉漢堡食落口有啲乾身，無乜醬汁，唔夠juicy🫠。而個牛油果蟹子沙律包就好少少，多咗啲沙律醬🥗，但味道非常普通，感覺就係將沙律放入兩塊包中間。而雪糕菠蘿包嘅包本身好硬好乾，雪糕就普普通通。反而就建議嗌鮮菠蘿茉莉冰茶🧉，嘢飲用上新鮮菠蘿，飲落口好fresh，幾好飲💕。漢堡店喺香港普遍價錢都較高，但呢度算係比較平😜，但質素就一般般🧐。大家有興趣可以試下。