營豐海南雞專門店 (Closed)

今日返工半日，之後去左太古上堂，完左見早早地就揾下附近有咩好食，就發現左呢間隱世小店😎去到個陣見到好多街坊幫襯，同個老闆娘有講有笑，感覺人情味濃厚😊叫野食既時候，老闆娘好熱情咁推介佢地個招牌無骨海南雞飯，咁當然要試下，再加多個煎豬扒～等左一陣就有得拎，拎上手熱辣辣，好香👍🏻😋搭巴士返屋企個陣就忍唔住食左個豬扒，好香口，煎得脆脆地，而且份量多😎海南雞飯一定係食黃飯，好香好多，一塊雞配一啖飯，仲有薯仔湯，大滿足！個雞真係大推介，好嫩滑，啲肉唔hi，又多，啖啖肉，配埋佢地自家製既酸梅醬😍真係好正，停唔到口👍🏻