Video
Read full review
2018-09-09
123 views
蔡瀾Pho可算是近期中环話題新餐廳， 較早前好多雜誌都比較佢同幾間出名越南過江龍生牛肉河。 今天晚飯時間終於经過， 點都要入去親身試吓先。 個friend喺中環放工， 我哋約好六點鐘入去踩場。場內裝修簡潔有東南亞嘅風味， 啲餐具全部特別訂造， 仲有蔡生嘅肖像添。喺餐牌上見河粉可以隨意添加， 非常貼心， 唔使擔心唔飽肚。 所以每款上枱嘅時候都見河粉嘅份量唔會好多， 需要先添加咁樣反而減少許多浪費。特別牛肉湯河粉$128個湯 呈現深褐色， 清澈得嚟 味道鮮甜而且 有層次， 唔會好咸。 好香芫荽嘅味道。 佢唔會放好多嘅洋蔥絲， 坊間好多越南河 每次夾起河粉時都有大量洋蔥絲， 非常搶味。生牛肉浸到粉紅色呈半生熟狀態， 非常嫩滑。 其他材料還有牛丸爽滑彈牙， 牛筋 ，牛柏葉， 牛腩牛筋牛展銅錢牛鞭花， 果然豐富而且味道唔錯啱曬牛魔王!不得不提佢嘅配菜-芽菜 都係精挑細選， 條條都粗壯肥大， 冇嗰種生澀味， 又甜又juicy。 河粉方面， 亦冇之前網上評語咁差， 又碎又腍。 相反好滑又冇斷開。 湯同粉嘅比例其實啱啱好。 話梅青檸梳打$28碧綠色令人感覺冰涼， 薄荷葉嘅味道稍重， 反而唔太飲到話梅
蔡瀾Pho可算是近期中环話題新餐廳， 較早前好多雜誌都比較佢同幾間出名越南過江龍生牛肉河。 今天晚飯時間終於经過， 點都要入去親身試吓先。
個friend喺中環放工， 我哋約好六點鐘入去踩場。
場內裝修簡潔有東南亞嘅風味， 啲餐具全部特別訂造， 仲有蔡生嘅肖像添。
喺餐牌上見河粉可以隨意添加， 非常貼心， 唔使擔心唔飽肚。 所以每款上枱嘅時候都見河粉嘅份量唔會好多， 需要先添加咁樣反而減少許多浪費。
特別牛肉湯河粉
$128
4 views
0 likes
0 comments
特別牛肉湯河粉$128
個湯 呈現深褐色， 清澈得嚟 味道鮮甜而且 有層次， 唔會好咸。 好香芫荽嘅味道。 佢唔會放好多嘅洋蔥絲， 坊間好多越南河 每次夾起河粉時都有大量洋蔥絲， 非常搶味。
生牛肉浸到粉紅色呈半生熟狀態， 非常嫩滑。 其他材料還有牛丸爽滑彈牙， 牛筋 ，牛柏葉， 牛腩牛筋牛展銅錢牛鞭花， 果然豐富而且味道唔錯啱曬牛魔王!
不得不提佢嘅配菜-芽菜 都係精挑細選， 條條都粗壯肥大， 冇嗰種生澀味， 又甜又juicy。 河粉方面， 亦冇之前網上評語咁差， 又碎又腍。 相反好滑又冇斷開。 湯同粉嘅比例其實啱啱好。
話梅青檸梳打$28
碧綠色令人感覺冰涼， 薄荷葉嘅味道稍重， 反而唔太飲到話梅嘅味道。
汽水$12
定價親民喺隔離翠X 都唔知唔得啦。
香芒凌波魚米紙卷
$48
18 views
0 likes
0 comments
香芒凌波魚米紙卷$48
一啖咬落食到好香甜嘅芒果蓉， 仲有寧波炸魚紅蘿蔔絲， 菜絲餡料， 口感豐富個汁醬都非常認真。
黃金蝦扒
$78
23 views
0 likes
0 comments
黃金蝦扒$78
炸工唔錯， 好乾身冇咩油剩喺底， 蝦餅肉彈牙可口， 再蘸上甜酸醬汁， 非常美味。
香茅烤豬頸肉春捲撈檬
$68
22 views
0 likes
0 comments
香茅烤豬頸肉春捲撈檬$68
呢個撈檬一向都係我嘅至愛， 尤其夏天唔想食熱辣辣嘅河粉。 所有菜絲切到好幼細， 酸蘿蔔絲特別入味， 炸春卷又脆又juicy， 仲有覺得香噴噴嘅豬頸肉， 一口肉一口檬粉加上蔬菜，啖啖滋味。
檬粉唔係透明嗰種，係白色幼身， 冇咁容易斷而且有少少 口。 成個配搭都非常認真， 絕對加分。
越南法棍三文治
$28
15 views
0 likes
0 comments
除咗粉麵我哋都要試下 "越南法棍三文治$28"。 法包外脆，非常有口感， 裏面餡料有啲醃得辣辣地嘅肉， 同發包幾夾。 個包膠硬身同埋趣， 唔會比材料弄到變形。
估唔到名人效應 除咗有人氣都有好嘢食推介， 食物質素 真係唔錯 而且價錢唔貴又冇加一， 或者講係好啱自己食同口味。 店員招呼亦非常殷勤， 坐落於中環超旺地段，難怪長期都滿座。
個friend都話下次經過中環心思思又會入去食個河粉。
Post
