野菜咖喱事務所 Curry Man (Closed)

葵興呢個地方相比葵涌，比我嘅印象一直都係好難搵嘢食。但係有一日，行過地鐵站附近，見到一間咖喱事務所。埋去睇個餐牌，發現呢間專賣平民菜式，有豬軟骨飯，和風雞肉飯，咖喱牛肋飯，仲有咖喱蜜糖雞扒飯😮😮餐牌上都寫住，佢用既咖喱都係由日本直送🤩可惜我唔食咖喱，所以我叫咗個日式薯仔燉豬軟骨飯。嚟到之後，我即刻咬咗啖豬軟骨，都幾鬆軟，豬骨味都幾濃，無其他餐廳嗰種豬臭味👍🏼👍🏼。配埋薯仔紅蘿蔔，成個餸菜非常健康，適合想減肥嘅你😏 再加埋一支樽裝烏龍茶，成個餐都只係$42，絕對物超所值！下次經過如果匆忙嘅話，仲可以買外賣添！