Video
Read full review
2020-05-29
235 views
之前去北海道旅行，食過好好味嘅布丁燒，一直好懷念😭 家陣唔知幾時再有得旅行......好彩葵芳原來有間專賣燒布丁嘅黃店！！！一放假就立即去幫襯～！😝 布丁燒唔同一般布丁，主要由焦糖、雞蛋布丁，同芝士蛋糕三層組成，令人可一次過食均唔同嘅甜品質感，味蕾大滿足！ 除咗招牌嘅5款燒布丁，店家仲會推期間限定口味～選擇多多～ 呢度嘅布丁燒有好多口味，今次我就order咗招牌嘅椰爺布丁燒、限定嘅焙茶布丁燒～❤️ 我覺得兩隻燒布丁，椰子味會較清香，食時有少少椰絲，爽爽地嘅口感好得意～而焙茶味就較濃郁，茶味好出，微微帶苦，茶控應該會好鍾意～真係各有各正 😋 不過，不得不讚，佢哋嘅燒布丁質感超正，拍得住日本食到嘅質素！ 芝士蛋糕好綿密，布丁則好細滑，加埋濃濃嘅焦糖，每一層嘅質感及味道都唔同，但食上口就完美融和～處理得好好！ 😋 不過，佢哋嘅燒布丁一個大約40蚊個，第一下睇到個價錢，都會覺得唔平，但原來佢哋會用北海道Cream Cheese整芝士蛋糕，椰子又會採用新鮮嘅泰國椰青，焙茶或抹茶粉又日本直送...等等，加上繁複嘅製作功序，一分錢，一分貨，食物質素絕對對得住價錢。 鍾意燒布丁嘅朋友，一定
左：椰爺布丁燒、右：限定嘅焙茶布丁燒
$38
14 views
0 likes
0 comments
家陣唔知幾時再有得旅行......好彩葵芳原來有間專賣燒布丁嘅黃店！！！一放假就立即去幫襯～！😝
布丁燒唔同一般布丁，主要由焦糖、雞蛋布丁，同芝士蛋糕三層組成，令人可一次過食均唔同嘅甜品質感，味蕾大滿足！
除咗招牌嘅5款燒布丁，店家仲會推期間限定口味～選擇多多～
呢度嘅布丁燒有好多口味，今次我就order咗招牌嘅椰爺布丁燒、限定嘅焙茶布丁燒～❤️我覺得兩隻燒布丁，椰子味會較清香，食時有少少椰絲，爽爽地嘅口感好得意～而焙茶味就較濃郁，茶味好出，微微帶苦，茶控應該會好鍾意～真係各有各正 😋
不過，不得不讚，佢哋嘅燒布丁質感超正，拍得住日本食到嘅質素！芝士蛋糕好綿密，布丁則好細滑，加埋濃濃嘅焦糖，每一層嘅質感及味道都唔同，但食上口就完美融和～處理得好好！ 😋
不過，佢哋嘅燒布丁一個大約40蚊個，第一下睇到個價錢，都會覺得唔平，但原來佢哋會用北海道Cream Cheese整芝士蛋糕，椰子又會採用新鮮嘅泰國椰青，焙茶或抹茶粉又日本直送...等等，加上繁複嘅製作功序，一分錢，一分貨，食物質素絕對對得住價錢。
鍾意燒布丁嘅朋友，一定唔可以錯過！
包裝外賣袋好可愛～
Post
