食樂

Open Now

Now Closed

今日女友黎葵芳搵我食早餐，行過見到有間新餐廳，望一望午餐餐廳，大概都係60幾蚊左右，唔算好貴，就決定入去試下。一入到餐廳，就好似入左一個花園咁，牆身有好多盆栽同壁畫，感覺好寫意好舒服，睇得出老闆好有心思設計間餐廳。餐廳菜單多樣性咁我地就叫左兩個午餐試下，咖哩牛肉飯 同 墨西哥捲餅。泰式紅咖哩牛肉飯 $ 68 ，咖哩味好突出好香，唔算好辣好岩香港人適合既辣度，牛肉都好淋，整體味道不錯。BBQ醬雞肉墨西哥捲餅伴田園沙律 $63 ，雞肉伴BBQ醬，好有韓式既感覺，辣辣地好過癮，捲餅好濕潤唔會好乾，食到好辣既時候可以食伴菜既沙律中和一下。另外隨餐餐飲加$4 升級左杯熱即磨咖啡。chill 一 chill，放鬆平時工作既壓力，確實係一個唔錯既地方。