夢工房西日料理 (Closed)

夢工房西日料理位置非常方便，喺正葵芳港鐵站隔離，上一層扶手電梯已經見到。餐廳門面幾闊，等位唔會迫埋哂一齊，入到去𥚃面發覺原來內𥚃環境都算幾大。店員先安排就坐，坐底後第一件事梗係睇咗有乜嘢食先。夢工房選擇繁多，我哋先點咗刺身、壽司、火鍋。接下來再睇其他，芝麻八爪魚、柚子大蝦沙律、羊架、手打漢堡扒、大蝦天婦羅、蒜香燒蠔及印度薄餅等等⋯刺身及壽司先到，賣相都唔錯。其後火鍋亦送上。三文魚和甜蝦刺身好新鮮，象拔蚌好有咬口，食完一輪真係按捺不住要再叫。壽司方面都好吸引，黑松露帶子壽司上面啲黑松露應該唔係平價嘢，跟帶子配上真有另一番味道。三文魚及中拖羅壽司好肥美；火炙鰻魚加上甜甜地嘅鰻魚汁真係好好食。火鍋叫咗壽喜燒湯底，甜而不膩。肥牛片好有牛肉味，雖則不及和牛入口即融嘅感覺，但呢個肥牛亦是上佳，淥一淥，食落都好腍。食完火鍋食返啲沙律清一清，個柚子大蝦沙律做得好，柚子少少酸帶甜，入口清新；芝麻八爪魚好大隻，配上濃濃嘅汁，都好有咬口。羊架有驚喜，羊羶味洽到好處，咬落亦好腍。手打漢堡扒相信係自家制，味道唔錯。大蝦天婦羅炸得好脆，隻蝦啖啖肉。蒜香燒蠔好多蒜蓉喺上面，非常香口。印度薄餅煎得脆口，配上煉奶簡直一