燒肉一番 (Closed)

近葵芳地鐵站商場上一層就見到呢間燒肉，午餐時間人流好多，學生佔大多數！

燒肉有多款套餐，基本款有牛、雞、豚肉，另外仲可以追加蔬菜、海鮮，另外仲有超大杯梳打特飲！今次揀咗牛胸腹及牛舌套餐，牛胸腹油脂豐富，食落幾嫩口。牛舌雖然細塊啲，不過都係多汁又嫩口。另外再嗌多個雞腿肉及豚五花套餐，豚肉都幾大塊，而且爐夠猛迫出好多油，食豚肉都減低到罪惡感。後尾追加翠玉瓜、扇貝、吉列蠔，扇貝幾大粒又幾鮮味。蠔正正常常，炸得幾乾身，有蠔味；其實呢到小食都唔錯，我有次黎都係叫勁多小食！印象中第一次黎呢間，個夾好難拎同要好用力夾，今次輕鬆好多。燒網已經無咁輕，記得第一次黎好容易夾起個網令到d肉走位，今次完全無事發生！