金潮小廚

Open Now

Now Closed

因為幫家人整嘢，嚟左葵芳呢邊，就諗起不如再訪金潮，相隔幾年後再食，依然覺得金潮性價比高，小菜份量足、獲氣夠！今次星期六晚約8:30到達，唔需要等位，直接可以入座。最近有啲皮膚敏感，唔可食牛同海鮮…所以唔可以叫佢地既招牌黃金蝦…有啲可惜…🔸燒汁珍菌炒魚柳魚柳好大塊，無雪味肉質好滑，珍菌好入味，另有配菜翠玉瓜。🔸干蔥醬油煎焗排骨仔原來係煲上，新鮮滾熱辣，排骨份量都幾多，非常惹味，要配白飯，否則會覺得咸。🔸啫啫菜心煲本身想叫芥蘭煲，但姐姐話賣晒就轉菜心，豬頸肉彈牙入味，菜心爽甜。