Sweetology (Closed)

約左朋友去葵芳行街，葵廣掃街已經滿足唔到我地兩個，又想坐低傾下計，所以就去左隔離既新都會搵餐廳。新都會裝修之後我都冇去過食飯，見到1樓餐廳最多，而呢間幾吸引又有位，我地就即刻決定食呢間。選擇都幾多，沙律 牛角包 飯 意粉全部都有。lunch set包餐湯野飲。今日餐廳係蘑菇忌廉湯，唔算好多但係幾好飲。d野食好快黎到，擺到我地成台都係和風照燒汁雞排飯有驚喜，除左雞排之外仲有d紅蘿蔔 菇 同埋木魚，夠曬和風，雞排份量好多兩大塊，相比之下飯比較少。香草忌廉汁雞絲意粉味道幾好，好大碟，食量細d都食唔曬。