Video
Read full review
2016-06-19
2028 views
蒸海鮮都有一段熱潮，但每每約食飯都好似食唔厭，成日都想食，可能因為蒸完唔熱氣之餘，菜餚保持原汁原味既自家味道，而且感覺好似食多左都無有怕，所以今次黎潮福食，因為可以小菜+蒸阿拉斯加蟹😋來慶祝父親節！ 之前係第二度都食過阿拉斯加蟹，果次第一次係香港食，估唔到好食到咁 而本住試其他店既心態，又因為見到呢張廣告，就㨂潮福食。張poster無花無價，圖片同實物一樣，足3斤半，去相 1. 蒸阿拉斯加蟹 $488 點完菜掛住吹水、飲啤酒，無影到它生au au個樣，睇睇成塊面咁大既蟹蓋，就知它貨真價實。落左order後，劏完係正面前蒸，15分鐘就有得食！一開蓋好香蟹味，海水味，店員姐姐話唔使點任何醬架啦，就咁食番它既原味、海鮮味 正！d肉多到 食一節腳已經有平時3、4條倪蟹柳既重量。而且啖啖肉、鮮甜既味道、feel到食好野果種為食感，好幸福呀！上次食6斤半既腳係原條上，長過前手臂，好funny咁玩完影完先食。今次劏開哂一節節，又幾方便喎，起碼唔使煩，慢慢食完一節再一節 爸爸讚不絕口，勁like它肉厚又多，連味道都十足，比100分它。👍🏻👍🏻👍🏻2. 白灼海蝦 $448 千其唔好試，落單時店
之前係第二度都食過阿拉斯加蟹，果次第一次係香港食，估唔到好食到咁 而本住試其他店既心態，又因為見到呢張廣告，就㨂潮福食。張poster無花無價，圖片同實物一樣，足3斤半，去相
1. 蒸阿拉斯加蟹 $488
點完菜掛住吹水、飲啤酒，無影到它生au au個樣，睇睇成塊面咁大既蟹蓋，就知它貨真價實。落左order後，劏完係正面前蒸，15分鐘就有得食！一開蓋好香蟹味，海水味，店員姐姐話唔使點任何醬架啦，就咁食番它既原味、海鮮味 正！d肉多到 食一節腳已經有平時3、4條倪蟹柳既重量。而且啖啖肉、鮮甜既味道、feel到食好野果種為食感，好幸福呀！上次食6斤半既腳係原條上，長過前手臂，好funny咁玩完影完先食。今次劏開哂一節節，又幾方便喎，起碼唔使煩，慢慢食完一節再一節 爸爸讚不絕口，勁like它肉厚又多，連味道都十足，比100分它。👍🏻👍🏻👍🏻
2. 白灼海蝦 $448
千其唔好試，落單時店員姐姐已講明係海中蝦，$28/両，即係$448/斤，爸爸話好肚餓，係都要叫，好吧！😑😑
見到碟蝦，其實唔多相信它足一斤，數落20隻都無，數量還算，質量好都接受，弊在它唔新鮮，腥腥地之餘，肉係唔彈、唔爽身的 ，以4百幾蚊食左呢碟野，好唔合格
3. 沙薑豬手
正呀，等食時候叫埋呢碟，因為凍食，即叫即到。個汁好惹味，同冰鎮豬手好match，得！豬手本身整得好爽，好淋，凍食唔會似食橡筋咁，推薦
4. 生劏龍𧄌兩味 $298
-碧綠炒球
我地揀左西蘭花炒，夠鑊氣，魚塊煎到少少燶、脆，連醬汁炒西蘭花，好惹味。魚肉本身都新鮮同大塊，有肉地☺️☺️成個餸連伴菜幾條䓤都好味。
-生炆頭腩
龍𧄌二食係炆餸，用我最愛既支竹炆，呢道餸其實係支竹炆火煵，再加埋龍𧄌，好男人既餸，我一向麻麻肥豬肉，只食左魚肉+支竹，濃濃既醬汁用黎送飯，好味道😋😋
6. 椒鹽焗鮮魷 $85
爸爸想食腰果蝦仁，但無腰果，轉食呢個椒鹽魷魚😊我揀既🤗見到層粉漿咁薄皮，皮下可以見到魷魚，就知整得好野 食落脆bo bo，內裏既新鮮魷魚，擺明係天富羅，但呢度無乜油，唔通真係焗都有呢個效果😆呢味椒鹽魷魚一絕！
整體潮福既廚師既小菜功夫勁，今晚咁多樣餸都好得，食完完全無口喝，而且店員姐姐好勤力斟茶、斟酒、換碟，比個like阿肥姐姐。惟一係清潔度不足，厠所不甚乾淨。除左以上，仲推薦大家去食佢既冬瓜盎，或$128兩味set，抵食到震
Post
