有蒸氣 海鮮石鍋專門店 (Closed)

有蒸氣 係一間私隱度好高的餐廳，執餐廳位置都搵左陣，但原來就在諾士佛臺酒店對面小巷裡面。餐廳原來有好多明星光臨，周圍都照上明星到臨的照片，星氣十足。餐廳經openrice book位，單點菜式有折扣，但一場黎到，冇理由唔食餐廳主打套餐。價錢大眾化，$300幾蚊起，已經有海鮮套餐，想食不同款，又有牛肉/蒸蝦/蟹，選擇多元化。第一次黎，就試左有蒸氣石鍋龍蝦海鮮餐，$538位，有半隻龍蝦、日本元貝、紐西蘭蟶子、蟲草花鮑魚，仲有淮山杞子蒸新鮮雞，海斑片，手打四寶丸及梅菜蒸菜。龍蝦大大隻，肉身又彈口。元貝配乾蒜蒸，味道突出。蟶子配粉絲，食唔停口。鮑魚又夠爽口。乾瑤柱粥底，配埋西芹等配料，香味飄逸，一試難忘。數唔完的菜式，總體食物質素新鮮好味，而且分量令人飽足，好抵食。