Video
Read full review
2016-04-16
1086 views
成個冬天打咗好多次邊爐，其實真係幾熱氣！但係就總會有個癮係到，好鬼想食。男朋友呢排話帶我試新野，又好食又唔會熱氣咁話喎。原來係蒸氣石鍋，其實小妹都有聽過呢個名咖喇xd終於有機會嚟潮下聖！潮福蒸氣石鍋其實有好多分店，咁我地呢啲港島人就梗係去近近地嘅西灣河啦。小妹好好奇蒸氣火鍋有咩咁吸引，因為小妹喜愛嘅係普通打邊爐，而蒸氣火鍋就從來都未試過，今次係第一次。潮福蒸氣石鍋採用嘅係鍋底放入材料造成粥底，再喺上面一層蒸爐蒸唔同嘅海鮮食。我哋就是左海鮮套餐，呢個係一個半任飲任食嘅套餐，比較抵食。套餐裏面包括左一個粥底，有排骨粥或者瑤柱淮山粥。我哋揀咗瑤柱淮山粥，咁店員就會首先將米同埋祝嘅材料放入去石鍋裏面，然後上面嗰層就會開始蒸嘢食。套餐包括左貝類拼盤，每人半隻龍蝦，仲可以任選五款唔同嘅海鮮。我哋就揀咗蝦、象拔蚌、大帶子、聖子，仲有鮑魚。其實都有好多種類食架，而食完呢啲海鮮之後，仲有其他唔同嘅肉類蔬菜同糕點可以任食。飲品包括啤酒、汽水、甚至竹姐茅根等都可以仼飲。落完單揀好海鮮之後就可以出去自助調味吧選擇自己鍾意嘅調味醬料。配料非常多，芫茜辣椒蒜蓉蔥等等全部都一應俱全。套餐中包括左每人一個燉湯，我哋嗰
但係就總會有個癮係到，好鬼想食。
男朋友呢排話帶我試新野，又好食又唔會熱氣咁話喎。
原來係蒸氣石鍋，其實小妹都有聽過呢個名咖喇xd終於有機會嚟潮下聖！潮福蒸氣石鍋其實有好多分店，咁我地呢啲港島人就梗係去近近地嘅西灣河啦。
小妹好好奇蒸氣火鍋有咩咁吸引，因為小妹喜愛嘅係普通打邊爐，而蒸氣火鍋就從來都未試過，今次係第一次。潮福蒸氣石鍋採用嘅係鍋底放入材料造成粥底，再喺上面一層蒸爐蒸唔同嘅海鮮食。
我哋就是左海鮮套餐，呢個係一個半任飲任食嘅套餐，比較抵食。套餐裏面包括左一個粥底，有排骨粥或者瑤柱淮山粥。
我哋揀咗瑤柱淮山粥，咁店員就會首先將米同埋祝嘅材料放入去石鍋裏面，然後上面嗰層就會開始蒸嘢食。
套餐包括左貝類拼盤，每人半隻龍蝦，仲可以任選五款唔同嘅海鮮。我哋就揀咗蝦、象拔蚌、大帶子、聖子，仲有鮑魚。其實都有好多種類食架，而食完呢啲海鮮之後，仲有其他唔同嘅肉類蔬菜同糕點可以任食。飲品包括啤酒、汽水、甚至竹姐茅根等都可以仼飲。
落完單揀好海鮮之後就可以出去自助調味吧選擇自己鍾意嘅調味醬料。配料非常多，芫茜辣椒蒜蓉蔥等等全部都一應俱全。
套餐中包括左每人一個燉湯，我哋嗰日飲嘅係西洋菜唐排。
燉湯有火喉，好健康，表面有少少油但係一中裏面有齊堂牌，雞腳，同西洋菜。材料都好豐富，飲得出係冇落到味精，非常之健康。
首先開始正嘅係貝類拼盤，貝類拼盤裏面有三到四種唔同嘅貝殼類。有花甲，馬刀貝同番薯蜆。
呢個貝殼拼盤裏面每一種味道都好鮮甜，唔會有沙，肉亦都好厚身，一啲都唔細隻好好食！
接住落嚟嘅就梗係每人半隻嘅龍蝦啦，龍蝦好新鮮，只需要正兩到三分鐘，就已經可以食啦！龍蝦肉好以離殻，口感彈牙爽口。
蝦每人有兩隻，會用竹籤穿着。
蝦非常新鮮，每一隻都仲係活生生扎扎跳咁。蝦肉彈牙啖啖肉，最有驚喜係每一隻都有好多膏，味道非常甘香。
蟶子皇有粉絲托底仲有蒜蓉調味，蟶子預先起好肉一條條，方便食客食用。蟶子口感爽口，唔會太韌，蒜蓉調味剛剛好。
日本大元貝非常有驚喜，元貝勁大隻，足足有我一隻手咁大。
同樣用咗蒜蓉同粉絲托底。蒜蓉嘅調味帶出咗元貝嘅鮮，蒸嘅時間啱啱好口感爽口得來帶點嫩滑。
鮑魚用咗蟲草調味，店家非常之細心咁預先將內臟清走。仲將鮑魚起咗殻， 等客人食嘅時候更加方便。鮑魚肉質爽口，配搭蟲草花一齊正感覺非常健康同清新。
除咗海鮮嘅部份，飲食嘅部份仲有好多選擇。我哋叫咗污糟雞，豬頸肉，豬肉丸，釀涼瓜仲有馬拉糕同紅棗糕。
估唔到雞同豬頸肉蒸可以帶出到肉嘅原味，而且一啲都唔鞋，仲好嫩滑啊。
豬肉丸係手打嘅非常彈牙，馬拉糕貞德好鬆軟而且好香。紅棗糕煙煙銀銀，口感特別可以當做甜品食！
最後梗係要食返一開始就煲嘅粥底啦，粥吸收咗咁多樣海鮮嘅鮮味，非常鮮甜，而且粥亦都煲得好綿，比想像中更加好食。
蒸氣火鍋不單只可以保留食物嘅原味同鮮味，仲比普通火鍋更加健康同唔熱氣，唔怪之得咁佢人氣啦！而家黎食呢個半仼食套餐非常之抵食，等小妹遲啲再嚟食多次先！
Post
