番本日式放題 (Closed)

日式放題店越開越多,同樣花樣亦多不勝數,就好似今次依間日式放題甘,除左有前菜,壽司,手卷,刺身,炸物,串燒料理之外,仲有得任食蒸氣火鍋。蒸氣火鍋有唔同嘅海鮮,肉類同菜可以選擇,不過我就重點食海鮮。海鮓都還算幾新鮮,店員仲會好細心咁周不時睇下個蒸籠仲有冇水同埋不時為我地遞上蒜蓉。唯一美中不足嘅就係個蒸籠太細,一次只能夠蒸小量食材。牛肉粒肉質夠軟淋唔會煮到靭晒,配上和風醬汁同洋蔥,味道吾錯。燒到微焦嘅帆立貝配上芝士同埋爽卜卜嘅蟹子,口感豐又惹味。刺身都算新鮮而且真係厚切,種類都算多有三文魚,帶子,赤貝,甜蝦,象拔蚌,白玉拖羅，榮螺片,希靈魚同鯛魚。手卷中嘅餡料由頭食到落尾都有,唔會偷工減料。軟殼蟹炸得夠香脆亦吾會太油。每次食放題我都唔會錯過食蟹子沙律嘅機會,蟹子嘅份量一D都唔孤寒。