九重鮮 (Closed)

通常我哋食放題都係食日式🤔今次就揀咗呢間韓式嘅放題嚟試下，呢度都幾近地鐵站，行一分鐘就到，A出口對面就係。🔺午市放題 ($268/位) 呢個價錢有得食龍蝦、鮑魚，性價比可謂相當之高！不過都要睇下啲海鮮新唔新鮮。🔺龍蝦、鮑魚、帶子龍蝦啖啖肉，肉質彈牙、唔似雪藏貨，有淡淡嘅海水味。鮑魚亦都彈牙，但係鮮味方面略嫌比龍蝦遜色。帶子下面有一層粉絲鋪住，口感食得出新鮮。🔺海蝦、海蜆啲蜆好大隻！呢part就任食既，每次嗌都有成差唔多十幾廿粒，仲要每一隻都有好鮮甜嘅海鮮味，我個人大推食蜆🤪海蝦都唔錯、有鮮味、肉質可以再好啲。🔺各類串燒、一口牛、海鮮粉絲每種串燒嘅火侯都控制得好好、唔會太乾，內裏仲係好juicy。燒京蔥肥牛嘅京蔥燒得香脆而又唔肥膩，勁脆。我覺得係比出面專門食串燒嘅平均水平可能更要好。另外一個特色係佢嘅海鮮粉絲真係唔錯，個湯底有曬蜆同海蝦嘅精華，每一次嚟嘅份量都較少，咁就可以容易啲控制食嘅份量，唔驚食得太飽！🔺椰皇三重奏食到勁飽仲有最後一個甜品，好高質。最上層係椰絲，中間有椰漿，最底係椰青水。超級解膩而且係好香椰子味，食得出係冇加過水，原汁原味嘅椰子香味，絕對唔係糖水。而且呢度坐得舒服，