新明發食家 (川龍街) (Closed)

平時都會買外賣蒸飯，今晚就堂食，叫左個蒸魚套餐＄59＋2。選了梅菜蒸石蚌＋菜心＋白飯。魚都有好多選擇、有盲糟、黃花、紅鮪、鱸魚、黃立䱽，配料還可以選薑蔥、豉汁、冬菜、梅菜來蒸。一般餐廳只有豉汁蒸黃立䱽，點解？因為是選用急凍黃𩶘䱽，當然要落豉汁蒸啦，這裡應該是用新鮮魚的。石蚌楊屋道街市都不是常常有，今晚有，當然要試一試啦，沒有選錯，條石蚌相當滑，真係魚有魚味，加埋梅菜更好餸飯一流。荃灣真係有好多賣點心的地方，但有水準的又有幾多？可以做落去的又有幾多？路德圍果邊前後都有三間，通通不過一年就玩完，這間可以長做，當然有佢吸力啦，有幾次六點幾來買外賣都要排隊！