小豆町日本料理

Open Now

Now Closed

放假襯個仔係屋企訓咗有工人睇住，同老公去附近食日本嘢Lunch先😋近年屯門藍地變成美食街，多咗好多優質外國菜餐廳，小豆町日本料理就係其中一間啦；午餐set超過10款選擇，一定有岩食嘅，比起其他日本料理餐牌，選擇多好多👍我叫咗個仲夏午市套餐$98，有6件時日精選壽司加細烏冬同飲品；老公叫咗燒鰻魚定食$72,再加多個自選6款刺身$188,正啊😍我個壽司拼盤今日以魚為主，益咗老公，因為我唔食魚嘅，但帶子就好好好味😍好厚肉鮮甜刺身：活赤貝好新鮮爽口，好想再叫多一客；蝦都好甜，虎蝦好味過甜蝦😆帶子刺身切薄咗即刻無咁高分，不過都依然食唔停口。老公個燒鰻魚定食，鰻魚足料，不過如果可以燒香條鰻魚先上菜會更好。