藍象泰國餐廳 (Closed)

中午黎到藍象食個泰式午餐。朋友一早介紹左我黎食，因為餐廳更新左泰式lunch menu，有自助沙律吧，超岩我心水！午餐items更加豐富吸引。我叫左一個泰式船麵，牛腩牛丸，全部都係我鐘意食既！湯底極重極濃郁，入口陣陣鮮甜味道，濃香不油膩！牛腩好軟腍，入口鬆化，帶小小油脂香！牛丸彈牙好多汁！牛味好重！旁邊配上炸豬皮，入口好油香好香口，味道非常滋味！湯麵掛湯力極重，半熟蛋最驚喜，中間溏心度高，入口蛋味濃郁。