蔡瀾越南粉 (Closed)

有一日我同朋友岀左中環附近行街，咁就打算搵間粉麵快食！ 朋友推介呢一間越南河話超正，揀咗呢間越南河！呢間越南河有上下兩層，裝修有啲文青、小清新嘅感覺！水泥牆，樓梯轉角位仲有啲盆栽綠葉！佢安排咗我哋坐2樓，位置都好闊落！一坐低就有杯水， 呢杯唔係普通嘅水，係甜甜地嘅，不過你問我係咩水我就唔知喇 ～ 不過都好有誠意啦！我嗌咗個牛展牛肉河、通菜同埋豬頸肉！個湯底好清澈，睇落淡淡地，以為冇乜味，但其實味道好濃沃！唔需要再加辣椒、檸檬或者其他調味都已經好夠！佢個河粉都好吸湯，好夾！生牛肉剛剛好，有牛味又唔會太老 ！仲有佢個通菜，價錢好合理，而且份量都好多！夠三個人食！好惹味，充滿鹹香帶點微辣！豬頸肉都好淋， 唔使加個醬都好好味！overall黎講都好好味！ 可以encore