番茄師兄

Open Now

Now Closed

元朗番茄師兄都食過幾次，今日出去搵朋友行過深水埗又話想試下深水埗既番茄師兄有咩分別，話晒都係總店，一於試試。餐牌有d野同元朗有dd唔同，元朗用公仔麵呢度用上海麵，同個犇犇有禮呢度貴過元朗10蚊，其他大致上差唔多。帶子牛郎上海麵，有5塊牛脷2粒帶子，牛脷都算爽口，帶子輕輕煎過表面唔腥，蕃茄湯都係一樣咁正，對我呢d平時唔太鍾意食番茄既人都可以飲晒成碗湯，麵就食元朗無既上海麵，同番茄湯都好夾，唔會煮得太腍。滑一滑，朋友揀既，有炒滑蛋同滑牛肉，順便講下佢地既炒滑蛋都好正，如果個餐本身無另外加5蚊就有，幾抵食。另外加左2款小食，牛柏葉同豬頸肉，都係用麻香瑞士汁，瑞士汁加左少少麻辣汁（好少好少），甜得黎有dd咁多辣，幾惹味。