Video
Read full review
2017-09-10
1420 views
※本文以用餐當日的環境、服務和食物質素為準，口味亦因人而異，文章只作參考之用。-最近係網上見到有款以海洋為主題的窩夫甜品 賣相確實十分精緻可愛，原來係出自青衣城這間新開的The Story Cafe and Bakery。這間Cafe原來同屬東海集團旗下，青衣城以大集團連鎖店居多，有多間Cafe嘆下咖啡食下輕食都唔錯。餐廳裝潢得幾靚，以藍色既海洋做主題，感覺悠閒！餐廳環境幾闊落。仲有蛋糕、鬆餅和牛角酥等供應。餐牌上款式唔算多，有小食，午餐，下午茶同晚餐供應，反而甜品同飲品款式較多，價錢合理。Like Facebook專頁或Follow IG+上載相片後，可享全單9折優惠啊!跟餐麵包和是晚餐湯（南瓜湯），南瓜味薄弱到無咁滯，唔知仲以為飲緊茶餐廳既白湯，有待改善。粉紅玫瑰（草莓玫瑰牛奶）$35估唔到凍飲都可以做到漸層效果，另外仲有綠色同藍色架，睇相幾靚，不過實物隻色無睇相咁突出，但都唔差，面頭仲有幾片玫瑰花瓣做點綴。飲落草莓味雖然唔係好鮮果個隻，不過都仲可以，加埋陣陣既玫瑰味，整體都唔錯。南極 （青檸梳打沙冰）$45望到都透心涼既南極沙冰，飲落係偏酸既青檸梳打，好解暑啊！黑松露薯條 $48
-
最近係網上見到有款以海洋為主題的窩夫甜品 賣相確實十分精緻可愛，原來係出自青衣城這間新開的The Story Cafe and Bakery。這間Cafe原來同屬東海集團旗下，青衣城以大集團連鎖店居多，有多間Cafe嘆下咖啡食下輕食都唔錯。
餐廳裝潢得幾靚，以藍色既海洋做主題，感覺悠閒！餐廳環境幾闊落。仲有蛋糕、鬆餅和牛角酥等供應。
餐牌上款式唔算多，有小食，午餐，下午茶同晚餐供應，反而甜品同飲品款式較多，價錢合理。
Like Facebook專頁或Follow IG+上載相片後，可享全單9折優惠啊!
是晚餐湯（南瓜湯）
23 views
0 likes
0 comments
跟餐麵包和是晚餐湯（南瓜湯），南瓜味薄弱到無咁滯，唔知仲以為飲緊茶餐廳既白湯，有待改善。
粉紅玫瑰（草莓玫瑰牛奶）
$35
19 views
0 likes
0 comments
粉紅玫瑰（草莓玫瑰牛奶）$35
估唔到凍飲都可以做到漸層效果，另外仲有綠色同藍色架，睇相幾靚，不過實物隻色無睇相咁突出，但都唔差，面頭仲有幾片玫瑰花瓣做點綴。飲落草莓味雖然唔係好鮮果個隻，不過都仲可以，加埋陣陣既玫瑰味，整體都唔錯。
南極 （青檸梳打沙冰）
$45
27 views
0 likes
0 comments
南極 （青檸梳打沙冰）$45
望到都透心涼既南極沙冰，飲落係偏酸既青檸梳打，好解暑啊！
黑松露薯條
$48
9 views
0 likes
0 comments
黑松露薯條 $48
小妹覺得佢地跟漢堡包既粗薯條好食，但散叫既係幼薯條黎，炸得唔夠熱同脆，不過個松露醬係好食的。
車打芝士煙肉流心蛋牛肉漢堡配薯條
$118
24 views
0 likes
0 comments
車打芝士煙肉流心蛋牛肉漢堡配薯條 $118
個漢堡好大個，兩塊藍色麵包混入左天然既藍蝶花，裡面夾左紫洋蔥、菜、煙肉、芝士，流心蛋和牛肉漢堡等，仲配埋粗薯條（好食過散叫既幼薯條），好豐富。
味道都相當唔錯，對半切開仲會見到流心蛋流心。主角牛肉食落富肉汁唔乾又有肉味，仲有煎過既煙肉多左層鹹香味，仲放左酸酸咪咪既紫洋蔥平衡左膩既感覺，就係芝士味唔太夠，不過食完真係大滿足！
鴨胸伴焦糖烤甘荀配蜂蜜橙酒汁
$128
16 views
0 likes
0 comments
鴨胸伴焦糖烤甘荀配蜂蜜橙酒汁 $128
個主菜賣相又係充滿色彩，一碟有八塊煎過的鴨胸，上面淋左蜂蜜橙酒汁，食落有陣陣橙香架，又有蜂蜜既甜甜地，配鴨胸又幾好食！
另外側邊配雜菜都整得幾好食，有焦糖烤過的甘荀、薯仔條、食落帶點甘澀的椰菜仔、煙肉等一齊炒香，夠晒惹味！比配飯或意粉更吸引，食落無咁飽，女士岩岩好，男士可能會唔夠食。
粉紅芭菲 跟餐+$18
15 views
0 likes
0 comments
粉紅芭菲 跟餐+$18 （原價$68）
跟餐加$18咁抵梗係要試下，但原來咁岩個日雪櫃有問題，無雪糕供應，店員話會轉做吉士或放多少少水果，小妹覺得可以。黎到個芭菲真係幾大杯，睇到係由忌廉、草莓片圍邊、粟米片同士多啤梨味沙冰砌成。不過味道真心一般，因為除左忌廉、粟米片同果肉有佢原本既味道外，底下既冰係完全無味，有色卻淡如水，真可惜。
Post
