Triple O's by White Spot (Closed)

12月24日平安夜，唔洗番工，下晝同阿媽去咗elements。原因係成日之前買嘅團購年尾到期，所以就趁有時間去食。由於我地唔鍾意飲汽水同食薯條，所以我地只叫一個餐，再加一個單售包。雞肉漢堡同蘑菇漢堡。等一陣，店員就會送上，唔洗自己拎。雞肉漢堡平平無奇，塊雞肉偏乾；裡面夾嘅蕃茄水份重，搞到個包都有少少濕。相反，個蘑菇漢堡真係好好食！個包烘過，脆脆地；用上新鮮蘑菇，菇味好重，好香；重點嘅牛肉漢堡扒牛味濃又多汁又厚身，yummy~包上面仲放咗塊酸瓜，酸酸咸咸夠開胃。