蝦棧 (Moved) New Location

呢間台式餐廳以蝦煲為主打。有辣有唔辣🌶而蝦煲嘅蝦都好大隻，而且胡椒味非常重，不過就唔算好辣。今次就點左一份胡椒蝦煲，蝦煲內有8隻大蝦，胡椒味超濃，辣唔算好辣，但就好香，冬天食絕對一流。其次當然要試下台式小食蔥抓餅啦！蔥抓餅非常香口，唔會好油，邊餅脆脆的，而且非常多蔥，適合餐前小食。另一推介就係火焰雪山焗鮮魚。條魚超大，上面鋪滿鹽巴，店員點火燒著鹽巴，令魚非常香，但魚皮係唔食得嘅，不過經過燒之後，令到鹽味同魚好夾。可能係焗嘅關係，魚肉鮮嫩，唔會好乾，值得再試。咁都餸就一定要有飯拌下啦。點了份魯肉飯，好大份夠兩位一齊食。魯肉唔會好咸，而且味道都好足，適合拌飯。