蝦麵店 (海光街) (Moved) New Location

#小秘書 間唔中都有同事叫我陪佢去 #蝦麵店 食lunch，而我就嫌佢坐得太迫、門口排隊買飛果個位人多又唔方便，所以好少主動去幫襯。呢日我又順應民意再嚟到 #蝦麵店，點咗一碗 #蝦肉墨魚丸摻摻，唔知係咪太耐冇嚟定點，我覺得個湯底好味咗材料亦豐富咗❤️ 湯底充滿濃濃嘅鮮蝦味😋 唔知大家知唔知咩係 #摻摻 呢？#摻摻 即係 #米粉 + 油麵，配埋個蝦湯份外夾味😋而配料仲有用 #墨魚肉 做嘅 #墨魚丸，食得出唔係用粉做嘅假丸，#鮮蝦肉 亦好鮮味👍🏻 我終於對 #蝦麵店 改觀喇！