Video
Read full review
2021-11-02
1000 views
放假冇得去旅行 😌，見涼涼地同屋企人去大澳行返轉輕鬆下。🤓上次嚟大澳文物酒店嘅餐廳 「Tai O Lookout」因為有人包場食唔到午餐，今次再嚟撞下好彩有得食下午茶。😋要行樓梯 / 斜路上酒店，如果唔方便嘅可以打電話通知酒店開玻璃纜車仔上。再到1樓餐廳，門口擺咗幾張枱同櫈俾客人休息。休息時可以睇定餐牌諗定食咩。☺️可惜因為太多人😫，侍應安排唔到我地坐窗邊，窗邊出面個景靚好多，而家只係安排我地坐餐廳正中間嘅4人枱，感覺有少少似高級版茶餐廳😣。餐紙好特別，係一張大澳嘅地圖。🥸見到餐牌嘅食物會配蝦醬，係大澳嘅特產。我地點咗3個下午茶餐。😎脆香大澳蝦醬雞翼雞翼嚟到有少少失望，普通炸雞翼配蝦醬，如果蝦醬醃埋落雞翼度會更好。蝦醬幾特別，唔似平時食嘅咁鹹，可以點埋薯條食，我諗呢隻蝦醬係呢度嘅推介。🤩公司三文治滿滿嘅配料，三文治入面放咗雞扒，好飽肚。而且配有薯條，不過薯條要襯熱食，放耐咗越凍越硬。大澳蝦醬豬扒包配薯條打卡影相幾靚，食落普通，蝦醬都係另外上。好掛住澳門嘅豬扒包。飲品就點咗1杯紅樹林特飲 (Mangrove special) = 紫貝天葵 + 蘋果汁 + 檸檬汁，顏色好靚，酸酸甜甜嘅味道。
上次嚟大澳文物酒店嘅餐廳 「Tai O Lookout」因為有人包場食唔到午餐，今次再嚟撞下好彩有得食下午茶。😋
要行樓梯 / 斜路上酒店，如果唔方便嘅可以打電話通知酒店開玻璃纜車仔上。再到1樓餐廳，門口擺咗幾張枱同櫈俾客人休息。休息時可以睇定餐牌諗定食咩。☺️
可惜因為太多人😫，侍應安排唔到我地坐窗邊，窗邊出面個景靚好多，而家只係安排我地坐餐廳正中間嘅4人枱，感覺有少少似高級版茶餐廳😣。餐紙好特別，係一張大澳嘅地圖。🥸
見到餐牌嘅食物會配蝦醬，係大澳嘅特產。我地點咗3個下午茶餐。😎
脆香大澳蝦醬雞翼
雞翼嚟到有少少失望，普通炸雞翼配蝦醬，如果蝦醬醃埋落雞翼度會更好。
蝦醬幾特別，唔似平時食嘅咁鹹，可以點埋薯條食，我諗呢隻蝦醬係呢度嘅推介。🤩
公司三文治
滿滿嘅配料，三文治入面放咗雞扒，好飽肚。而且配有薯條，不過薯條要襯熱食，放耐咗越凍越硬。
大澳蝦醬豬扒包配薯條
打卡影相幾靚，食落普通，蝦醬都係另外上。
好掛住澳門嘅豬扒包。
飲品就點咗1杯紅樹林特飲 (Mangrove special) = 紫貝天葵 + 蘋果汁 + 檸檬汁，顏色好靚，酸酸甜甜嘅味道。
唔鐘意飲甜嘅屋企人就點咗大澳鹹檸檬梳打 (Tai O salted lemon soda)。
下次可以去試下炸魚薯條伴蝦醬他他。😗
59 views
0 likes
0 comments
Post
