1988 (Closed)

餐廳係工廈入面，位置有少少難搵。出左地鐵站要行一段路，入左工廈又要經停車場行一段路入去。冬蔭功好大碗，有好多菇，仲有兩隻大蝦，唔係好辣，味道幾好。泰式蝦餅好大舊。外面脆，入面既蝦肉爽口彈牙，讚！呢個蝦醬炒飯既賣相同係泰國食既差不多，夠地道。炒飯好惹味，可以配埋旁邊既蛋絲、泰式臘腸、肉鬆、醃左嘅肉同魚乾一齊食。仲有青木瓜絲同芒果絲，酸酸地，可中和濃味既炒飯。泰式烤魚係去左魚骨，入面放左南疆、香茅、檸檬葉去烤，咁魚肉就吸收晒佢地既香味。魚肉好滑，點少少泰式醬汁就更好味。二個人叫左4樣野，4樣味道都好，所以差唔多清晒。可改善既係唔好一次過上咁多味，食唔切，食物攤凍左就唔好啦。另外就係餐廳入面好嘈，好難傾偈。