姨婆瑪麗 (Closed)

姨婆瑪麗，齋睇店名，唔會估到食咩菜式，睇埋英文 Ipoh Mari，就知係食馬來西亞嘢。不過 Ipoh 點解唔直譯怡保，要變咗做姨婆呢🤔？叫咗碗推介嘅姨婆蝦麵，油麵底，配菜有蝦，西刀魚蛋，通菜，芽菜，半隻蛋同炸腐竹，都幾豐富。上枱時見到湯底都幾淺色，呷一口，果然味道較淡，蝦味亦唔濃，menu 話呢個麵屬一隻辣椒，但其實辣味頗為薄弱，就算加埋上枱時放喺湯羹入面嗰丁點辣醬，仍然不足。雖然湯底有待改善，不過其他配菜其實都唔錯，我最鍾意通菜，份量好多，連湯一齊放入口，幾正😋；另外炸腐竹都唔錯，幾香口；西刀魚蛋亦算彈牙；其餘配菜就正常味道。埋單四十零蚊，我絕對收貨。