蝦麵店 (蘭杜街) (Moved) New Location

今日到金鐘做嘢，兩點幾先去食lunch，朋友介紹蘭度街的良心小店-蝦麵館，咁梗係要試吓啦！兩點幾過咗食飯時間，就唔駛排隊，朋友話食飯時間會排長龍呢。店內裝潢富東南亞特色，木椅木桌，瀰漫着悠閒氣氛，店員亦很nice。店内已使用自助點餐系統，非常方便，落單後好快就有得食👍蝦肉肉骨加魷魚翼摻摻，紅紅的濃湯唔駛驚只係微辣😂，蝦味好濃好鮮味，湯上的紅油應該係蝦油，蝦肉開邊大概有5-6隻，肉骨有兩大件，係新加坡口味嘅肉骨茶淆製，比較重胡椒味，非常入味而且肉一啲都唔嚡，有少少軟骨，非常好食，下次會試吓肉骨茶！魷魚翼係全隻魷魚最最爽脆嘅部份，一次可以食咁多塊，實在非常滿足🤣